លោក អេង សុភា នាយនគរបាលព្រហ្មទណ្ឌរាជធានីភ្នំពេញ បានឲ្យដឹងថា អធិការនគរបាលខណ្ឌចំនួនបួនក្នុងរាជធានីភ្នំពេញត្រូវបានផ្លាស់ប្តូរគ្នាកាលពីថ្ងៃសុក្រ ក្នុងការខិតខំប្រឹងប្រែងមួយ ដើម្បីពង្រឹងសន្តិសុខក្នុងរាជធានីភ្នំពេញ។
លោក សុភា បានពន្យល់ថា អធិការខណ្ឌទួលគោក ខណ្ឌ៧មករា ចំការមន និងខណ្ឌដូនពេញ ត្រូវបានផ្លាស់ប្តូរទាំងអស់។ លោកបានមានប្រសាសន៍ថា លោក ហួត ចាន់យូរ៉ាន់ អធិការនគរបាលខណ្ឌទួលគោក ជាអធិការនគរបាលខណ្ឌ៧មករា ជំនួសលោក យិន សាន។ លោក យិន សាន ជាអធិការនគរបាលខណ្ឌចំការមន ជំនួសលោក អ៊ុចសុខុន។
លោក អ៊ុច សុខុន ជាអធិការនគរបាលខណ្ឌដូនពេញ ជំនួសលោក ហ៊ុន សុធី ដែលត្រូវបានតែងតាំងជាអធិការនគរបាលឲខណ្ឌទួលគោក។ លោក សុភា បានឲ្យដឹងថា ការផ្លាស់ប្តូរគ្នានេះនឹងធ្វើឲ្យសន្តិសុខក្នុងរាជធានីបានប្រសើរឡើង ដោយពង្រីកការយល់ដឹងអំពីរាជធានីរបស់អធិការម្នាក់ៗ។ លោកបានបន្តថា “ អធិការនគរបាលខណ្ឌមិនគួរធ្វើការនៅក្នុងការិយាល័យដដែលៗរហូតនោះទេ និងគួរតែដឹងថាតើត្រូវគ្រប់គ្រងខណ្ឌផ្សេងទៀតយ៉ាងណាផងដែរ”។
លោក សុខុន ដែលកន្លងមកបានដឹកនាំនគរបាលខណ្ឌចំការមនផងដែរនោះ បានថ្លែងថា ការងារថ្មីរបស់លោកទទួលបន្ទុកខណ្ឌដូនពេញនៅកណ្តាលរាជធានីភ្នំពេញចាប់ផ្តើមនៅថ្ងៃនេះនិងមានការរួញរា។ លោក សុខន បានឲ្យដឹងទៀតថា “ញុំគិតថា ខណ្ឌដូនពេញ ហាក់ដូចជាតំបន់ស្មុគស្មាញបន្តិច”៕ប៊ុននី