បើទោះជាជនបរទេសបានបង់ថ្លៃចូលទស្សនាសារមន្ទីរទួលស្លែងក្នុងរាជធានីភ្នំពេញជាយូរមកហើយក៏ដោយ ក៏ក្រសួងវប្បធម៌និងវិចិត្រសិល្បៈបានប្រកាសថា ថ្លៃចូលទស្សនាពន្ធនាគារខ្មែរក្រហមដ៏ឃោរឃៅដោយមិនគិតថ្លៃ ត្រូវបានបញ្ចប់ហើយ ហើយពេលនេះនឹងត្រូវបង់៣ដុល្លារ។
យោងតាមប្រកាសមួយចុះថ្ងៃទី១០ ខែមិថុនា និងចុះហត្ថលេខាដោយលោកស្រី ភឿង សកណា រដ្ឋមន្ត្រីក្រសួងវប្បធម៌និងវិចិត្រសិល្បៈបានឲ្យដឹងថា “ជនបរទេសចាប់ពីអាយុ១៨ឆ្នាំឡើងទៅត្រូវតែទិញសំបុត្រចូលទស្សនាមានតម្លៃ៣ដុល្លារសម្រាប់មនុស្សម្នាក់” ចាប់ពីថ្ងៃទី១ខែសីហាតទៅ។ ប្រកាសនេះមានខ្លឹមសារថា អ្នកស្រាវជ្រាវ សិស្សនិស្សិតនិងគណៈប្រតិភូបរទេសរួមទាំងជនជាតិខ្មែរផងដែរនឹងត្រូវលើកលែង។
ប្រកាសនេះក៏សំដៅដល់សេចក្តីប្រកាសចុះថ្ងៃទី២៣ ខែមេសាដែលគេមិនបានឃើញកន្លងមករបស់ក្រសួងសេដ្ឋកិច្ចនិងហិរញ្ញវត្ថុផងដែរ ដែលដំបូងដាក់ចេញតម្លៃសំបុត្រចូលទស្សនាផ្លូវការ និងកែប្រែប្រកាសចុះខែធ្នូឆ្នាំ២០១២ ដែលមានខ្លឹមសារថា ភ្ញៀវទេសចរនិងជនបរទេសអាចចូលទស្សនាសារមន្ទីរដោយមិនចាំបាច់”បង់ថ្លៃ”។
បេឡាករម្នាក់នៅសារមន្ទីរនេះកាលពីម្សិលមិញបានឲ្យដឹងថា ជនបរទេសតម្រូវបង់២ដុល្លារសម្រាប់ការចូលទស្សនា នៅពេលខ្លួនបានអាប់១៨ដុល្លារឲ្យទៅភ្ញៀវទេសចរម្នាក់ដែលឲ្យប្រាក់២០ដុល្លារ ដើម្បីចូលទៅក្នុងសារមន្ទីរ។ លោក ប៊ូ ម៉េង ជាអ្នករួចផុតពីពន្ធនាគារនេះក៏បានមានប្រសាសន៍ថា ភ្ញៀវទេសចរត្រូវបានយកថ្លៃចូលទស្សនា ប៉ុន្តែតម្លៃ៣ដុល្លារទេដូចឆ្នាំ២០០៣ដែរ នៅពេលគាត់បានវិលត្រឡប់មកកាន់សារមន្ទីរវិញដើម្បីសង់តូបលក់សៀវភៅ។ លោកបានមានប្រសាសន៍ថា “តាមខ្ញុំយល់ ប្រាក់ចំណូលពីការលក់សំបុត្រត្រូវបានប្រើសម្រាប់ការកែលម្អអគារចាស់ទ្រុឌទ្រោម និងសង់បង្គន់។ គ្មានភ្ញៀវទេសចរបរទេសណាអាចចូលទស្សនាទួលស្លែងដោយមិនបង់លុយនោះទេ”។
លោក ឆាយ វិសិដ្ឋ នាយកសារមន្ទីរទួលស្លែង ដែលទើបនឹងតែងតាំងថ្មីមិនអាចទាក់ទងសុំការអត្ថាធិប្បាយបាននោះទេ ប៉ុន្តែលោក គង់ វីរៈ ប្រធាននាយកដ្ឋានគ្រប់គ្រងសារមន្ទីរទួលស្លែងរបស់ក្រសួងវប្បធម៌និងវិចិត្រសិល្បៈ បានមានប្រសាសន៍ថា តម្លៃបច្ចុប្បន្នមិនផ្លូវការទេ។ លោកបានលើកឡើងថា ” កន្លងមក គ្មានការលក់សំបុត្រផ្លូវការទេ វាគ្រាន់តែជារូបភាពបរិច្ចាគដោយស្ម័គ្រចិត្តប៉ុណ្ណោះ”។
លោក វីរៈ បានមានប្រសាសន៍ថា ”ការបរិច្ចាគបែបនេះ ពិតជាមានការពិបាកក្នុងការគ្រប់គ្រងណាស់ ជាពិសេសពីព្រោះទីភ្នាក់ងារទេសចរណ៍ដែលរៀបចំកញ្ចប់ទេសចរប្រឈមនឹងការលំបាកក្នុងការកំណត់ថ្លៃជាកញ្ចប់សម្រាប់ភ្ញៀវទេសចរ”។ លោកបានបន្ថែមថា លោកមិនដឹងថាប្រាក់ចំណូលចំនួនប៉ុន្មានបានមកពីការលក់សំបុត្រមិនផ្លូវការនេះទេ៕ ប៊ុននី