27 C
Phnom Penh

ក្រសួង​​​ប្រៃសណីយ៍​​​ និង​​​ទូរគមនាគមន៍​​​​​​បើក​​​ប្រតិបត្តិការ​​​សេវា​​​ដឹក​​​ជញ្ជូន

ដោយ ឌឹ ខេមបូឌា ដេលី

បទវិភាគ

កាល ​​​ពី​​​ម្សិលមិញ ក្រសួង​​​ប្រៃសណីយ៍ និង​​​ទូរគមនាគមន៍​​​បាន​​​ចាប់​​​ ផ្តើម​​​បើក​​​​​​សេវា​​​ដឹក​​​ជញ្ជូន​​​ក្នុង​​​តម្លៃ​​​ថោក​​​ដែល​​​នឹង​​ ​ដឹក​​​ជញ្ជូន​​​អ្នក​​​ដំណើរ​​​ និងទំនិញ​​​​​​នៅ​​​ទូទាំង​​​ប្រទេស​​​ នៅក្នុង​​​អ្វី​​​ដែល​​​ក្រសួង​​​សង្ឃឹម​​​ថា នឹង​​ជា​​​ការវិនិយោគ​​​ដែល​​ ​​ផ្តល់​​​ប្រាក់​​​ចំណេញដ​​​ល់​​​រដ្ឋាភិបាល​​​​​​​​​​​​។

ពេល ​​​និយាយ​​​ទៅ​​​កាន់​​​អ្នក​​​យក​​​ព័ត៌​​​មាន​​​​​​បន្ទាប់​​​ពី​​​ពិធី​​ ​មួយ​​​នៅ​​​ក្នុង​​​ក្រសួង​​​នេះ​​​​​​ លោក​​​ ប្រាក់​​​  សុខុន រដ្ឋមន្ត្រី​​​ក្រសួង​​​ប្រៃសណីយ៍ និង​​​ទូរគមនាគមន៍​​​​​​បាន​​​​​​ លើក​​​ឡើង​​​ថា ​​​រថយន្ត​​​ចំនួន​​​១០​​​គ្រឿង​​​ ដែល​​​មាន​​​​​​​​​ស្លាក ​​​សញ្ញា​​​ Express Mail Service នឹង ​​​ធ្វើ​​​ប្រតិបត្តិការ​​​នៅ​​​ក្នុង​​​ខេត្ត​​​មួយចំនួន ប៉ុន្តែ លោក​​​ មិន​​​បាន​​​លើក​​​ឡើង​​​ពី​​​ខេត្ត​​​ណា​​​ខ្លះ​​​នោះ​​​ឡើយ​​​។

រថយន្ត​ថ្មី​របស់​ក្រសួង​ប្រៃសណីយ៍​និង​ទូរគមនាគមន៍​ថត​នៅ​ក្រៅ​ការិយាល័យ​ប្រៃសណីយ៍​នៅ​ក្នុង​ក្រុង​ភ្នំពេញ។ រូបថតៈ ស៊ីវ ចាន់ណា​/The Cambodia Daily

លោក​​​បាន​​​លើក​​​ឡើង​​​ទៀត​​​ថា រថយន្តទាំង​​​េនះ​​​នឹង​​​ដឹក​​​ជញ្ជូន​​​ “អ្នក​​​ដំណើរ​​​ និង​​​ទំនិញ​​​” ប៉ុន្តែ លោក​​​ក៏​​​មិន​​​បាន​​​រៀប​​​រាប់​​​ច្រើន​​​ដែរ​​​។

លោក​​​បាន​​​មាន​​​ប្រសាសន៍​​​ថា “នៅ ​​​ក្នុង​​​​​​ថ្ងៃ​​​នេះ​​​ យើង​​​នឹង​​​ចាប់​​​ផ្តើម​​​ដំណើ​​​រការ​​​​​​ រថយន្ត​​​ចំនួន​​​១០​​​គ្រឿង​​​​​​​​​ជា​​​បណ្តើ​​​រៗ ដើម្បី​​​បម្រើ​​​ សេវា​​​ដឹក​​​ជញ្ជូន​​​នៅ​​​ក្នុង​​​ខេត្ត​​​មួយចំនួន។ យោង​​​តាម​​​ការ​​​ ប៉ាន់ប្រមាណ​​​របស់​​​យើង​​​ យើង​​​អាច​​​មាន​​​លទ្ធភាព​​​ទិញ​​​១០​​​គ្រឿង ​​​បន្ថែម​​​ទៀត​​​”។ លោក​​​បាន​​​បន្ថែម​​​ថា រថយន្ត​​​ចំនួ​​​ន​​​១០​​​គ្រឿង​​​ដំបូង​​​បាន​​​ចំណាយ​​​ប្រាក់​​​អស់​​​ប្រហែល​​​៣៦០.០០០ដុល្លារ​​​។

លោក ​​​ ប្រាក់ សុខុន បាន​​​ឲ្យ​​​ដឹង​​​បន្ត​​​ថា សេវា​​​ដឹក​​​ជញ្ជូន​​​នេះ​​ ​​​​នឹង​​​ផ្តល់​​​តម្លៃ​​​មួយ​​​ដែល​​​គេ​​​​​​អាច​​​ទទួល​​​យក​​​បាន​​​  ហើយ​​​នឹង​​​នៅ​​​រក្សា​​​តម្លៃ​​​ឲ្យ​​​នៅ​​​ដដែល​​​។ លោក​​​បាន​​​មាន​​​ ប្រសាសន៍​​​ថា “យើង​​​ធានា​​​ថា តម្លៃ​​​នឹង​​​នៅ​​​តែ​​​ដដែល​​​ទោះ​​​បី​​​ស្ថិត​​​ក្នុង​​​កាលៈទេសៈ​​​ណា​​​ក៏​​​ដោយ​​​”។

ប៉ុន្តែ ទោ ​​​ះបី​​​ជា​​​ផ្តល់​​​ក្នុង​​​តម្លៃ​​​ទាប​​​ក៏​​​ដោយ តែ​​​រដ្ឋ​​​មន្ត្រី ​​​រូប​​​នេះ​​​លើក​​​ឡើង​​​ថា សេវា​​​ដឹក​​​ជញ្ជូន​​​នេះ​​​នឹង​​​នៅ​​​តែ​ ​​ផ្តល់​​​ប្រាក់​​​ចំណេញ​​​សម្រាប់​​​រដ្ឋាភិបាល​​​ដដែល​​​។

លោក​​​បាន​​​មាន​​​ប្រសាសន៍​​​ទៀត​​​ថា “ប្រសិន​​​បើ​​​ យើង​​​គ្មាន​​​សង្ឃឹម​​​ទេ​​​នោះ​​​ យើង​​​​​​នឹង​​​មិន​​​​​​​​​​​​​​​ធ្វើ​​​វា​​​ឡើយ​​​”។

លោក ​​​ ប្រាក់ សុខុន បាន​​​​​​លើក​​​ឡើងបន្ថែម​​​​​​ទៀត​​​ថា ក្រសួង​​​របស់​​​ លោក​​​​​​ក៏​​​​​​បាន​​​ផ្តោត​​​លើ​​​សុវត្ថិភាព​​​ផង​​​ដែរ​​​នៅពេល​​​ បង្កើត​​​សេវា​​​ដឹក​​​ជញ្ជូន​​​នេះ​​​ឡើង ហើយ​​​ថា អ្នក​​​ដំណើ​​​រ​​​នឹង​ ​​មាន​​​ធានា​​​រ៉ាប់​​​រង​​​នៅ​​​ពេល​​​​​​ជួប​​​គ្រោះ​​​ថ្នាក់​​​ណា​​​ មួយ​​​។

លោក​​​បាន​​​មាន​​​ប្រសាសន៍​​​ថា “រឿង ​​​ដែល​​​សំខាន់​​​បំផុត​​​នោះ​​​គឺ​​​ការ​​​ធ្វើ​​​ដំណើរ​​​ប្រកប​​​ដោយ​​​ សុវត្ថិភាព​​​ ហេតុដូច្នេះ​​​យើង​​​មាន​​​កុំព្យូទ័រ​​​ ដើម្បី​​​តាម​​​ដាន ​​​​​​ថា តើ​​​រថយន្ត​​​​​​នៅ​​​ទី​​​កន្លែង​​​ណា​​​ ឬ​​​ថា តើ​​​រថយន្ត​​​ បើក​​​ក្នុង​​​ល្បឿន​​​ប៉ុណ្ណា​​​។ យើង​​​​​​កំណត់​​​ល្បឿន និង​​​ធានា​​​ សុវត្ថិភាព​​​ជូន​​​អ្នក​​​ដំណើរ​​​”។

ការ ​​​ចាប់​​​ផ្តើម​​​ប្រតិបត្តិការ​​​សេវា​​​ដឹក​​​ជញ្ជូន​​​របស់​​​ក្រសួង​​​ នេះ​​​ត្រូវ​​​បាន​​​​​​ធ្វើ​​​​​​ឡើង​​​ បន្ទាប់​​​ពី​​​សាលា​​​រាជ​​​ធានី ​​​ភ្នំពេញ​​​បាន​​​បើក​​​​​​សេវា​​​រថយន្ត​​​ក្រុង​​​សាធារណៈ​​​របស់​​​ ខ្លួន​​​កាល​​​ពី​​​ឆ្នាំ​​​មុន​​​ ដើម្បី​​​ដឹក​​​ជញ្ជូន​​​អ្នក​​​ដំណើរ​​ ​​​​នៅ​​​ទូទាំង​​​រាជ​​​ធានី​​​ប្រកប​​​ដោយ​​​សុវត្ថិភាព និង​​​កាត់​​​ បន្ថយ​​​ការ​​​កក​​​ស្ទះ​​​ចរាចរណ៍​​​។ បច្ចុប្បន្ន​​​មាន​​​រថយន្ត​​​ក្រុង ​​​ចំនួន​​​បី​​​ខ្សែ​​​ហើយ​​​កំពុង​​​ប្រតិបត្តិការ​​​នៅ​​​ក្នុង​​​រាជ​​​ ធានី​​​ភ្នំពេញ ហើយ​​​គេ​​​​​​​​​កំពុង​​​មាន​​​គម្រោង​​​ពង្រីក​​​ខ្សែ​​​ រត់​​​ផ្សេង​​​បន្ថែម​​​ទៀត​​​៕ស៊ុយឈាង​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស