36 C
Phnom Penh

គណបក្ស​ប្រជាធិបតេយ្យ​មូលដ្ឋាន​​​ជ្រើស​រើសសហសេវិក​​​ចាស់​​​ឲ្យ​​​ធ្វើ​​​​​​ប្រធាន

ដោយ ឌឹ ខេមបូឌា ដេលី

បទវិភាគ

គណបក្ស​ប្រជាធិបតេយ្យ​មូលដ្ឋាន (GDP) ​​​ជា​គំនិត​ផ្ទាល់​របស់​លោក កែម ឡី ប្រធាន​ក្រុម​​​​​​តស៊ូ​មតិ​ “ខ្មែរ​ដើម្បី​ខ្មែរ” បាន​​ធ្វើ​សមាជ​លើក​ដំបូង​របស់​ខ្លួន​ក្នុង​រាជធានី​ភ្នំពេញ ដោយ​​​បោះ​​​​​​ឆ្នោត​ជ្រើស​រើស​លោក យ៉េង វីរៈ សហ​សេវិក​​​​​​​ជិតស្និទ្ធ​របស់​លោក កែម ឡី ជា​ប្រធាន​បណ្ដោះ​​​អាសន្ន​ដោយ​​គ្មាន​ការ​ជំទាស់​អ្វី​ឡើយ បើ​ទោះ​​​ជា​មាន​ការ​ប្ដេជ្ញា​​ពី​របៀប​​​​ដឹកនាំ​នយោ​បាយ​បែប​​ថ្មី​ក៏ដោយ។

លោក យ៉េង វីរៈថ្លែង​​​នៅ​​​សមាជ​​​លើក​​​ដំបូង​​​របស់​​​គណបក្ស​​​ប្រជា​​​ធិបតេយ្យ​​​មូល​​​ដ្ឋានក្នុង​​​រាជ​​​ធានីភ្នំពេញ កាល​​​ពី​​​ម្សិល​​​មិញអំឡុង​​​ពេល​​​លោក​​​​​​ត្រូវ​​​​​​​​​បាន​​​ជ្រើស​​​រើស​​​ជា​​​ប្រធាន​​​បណ្តោះ​​​អាសន្ន​​​របស់​​​គណបក្ស​​​េនះ។ រូបថតៈ ខឹម  សុវណ្ណារ៉ា
លោក យ៉េង វីរៈថ្លែង​​​នៅ​​​សមាជ​​​លើក​​​ដំបូង​​​របស់​​​គណបក្ស​​​ប្រជា​​​ធិបតេយ្យ​​​មូល​​​ដ្ឋានក្នុង​​​រាជ​​​ធានីភ្នំពេញ កាល​​​ពី​​​ម្សិល​​​មិញអំឡុង​​​ពេល​​​លោក​​​​​​ត្រូវ​​​​​​​​​បាន​​​ជ្រើស​​​រើស​​​ជា​​​ប្រធាន​​​បណ្តោះ​​​អាសន្ន​​​របស់​​​គណបក្ស​​​េនះ។ រូបថតៈ ខឹម សុវណ្ណារ៉ា

កាលពី​ខែ​តុលា ​លោក កែម ឡី បាន​​បង្កើត​​​ក្រុម​តស៊ូ​មតិ​ខ្មែរ​ដើម្បី​ខ្មែរ​ ជាមួយ​លោក យ៉ង ​​សាំង​កុមារ ​ប្រធាន​អង្គការ​​សេដាក ជា​អង្គ​ការ​​​មិន​មែន​រដ្ឋាភិបាល​​ផ្នែក​កសិកម្ម​ ​និង​លោក យ៉េង វីរៈ ជា​អតីត​ប្រធាន​មជ្ឈមណ្ឌល​អប់រំ​ច្បាប់​សម្រាប់​សហគមន៍ ដើម្បី​លើក​កម្ពស់​​នយោ​បាយ​បក្ស​ឲ្យ​​កាន់​តែ​មាន​លទ្ធិ​ប្រជា​​ធិបតេយ្យ​ថែម​ទៀត​​នៅ​ក្នុង​ប្រទេស​​​កម្ពុជា​។

​ដោយមាន​មេដឹកនាំ​សង្គម​ស៊ីវិល​ឆ្នើម​ៗ​មួយ​ចំនួន​មួយ​ទៀត​​ចូល​រួម​ជាមួយ​ពួកគេ​សម្រាប់​​វេទិកា​សាធារណៈ​នៅ​តាម​បណ្ដា​ខេត្ត​ដើម្បី​ជំរុញ​បុព្វហេតុ​របស់​ខ្លួន​នោះ មេ​ដឹកនាំ​​ក្រុម​តស៊ូមតិ​ខ្មែរ​ដើម្បី​ខ្មែរ​​​​បាន​លើក​ឡើង​ថា ពួកគាត់​នឹង​ធ្វើ​ការ​​ដើម្បី​បង្កើត​​​​គណ​បក្ស​ថ្មីៗ ដែល​មេដឹកនាំទាំង​អស់​​ត្រូវ​បាន​ជ្រើស​​​​រើស​តាម​បែប​លទ្ធិប្រជាធិបតេយ្យ​។

កាលពី​ថ្ងៃ​អង្គារ លោក កែម ឡី បញ្ជាក់​ឡើង​វិញ​ថា សមាជ​កាលពី​ម្សិលមិញ​ខុស​ប្លែក​​​ពី​​ព្រឹត្តិការណ៍ដែល​រៀបចំ​ជា​សាធា​រណៈ​​​​ដោយ​​​​គណបក្ស​ប្រជាជន​កម្ពុជា និង​គណបក្ស​សង្គ្រោះ​​​​ជាតិ​ក្នុង​រយៈ​ពេលច្រើន​ឆ្នាំ​មក​ហើយ​ ដោយ​អនុញ្ញាត​ឲ្យ​សមាជិក​របស់​ខ្លួន​ដែល​មក​ពី​​តាម​ឃុំ-សង្កាត់​នៅ​ទូទាំង​ប្រទេស​​ឈរ​ឈ្មោះ​បោះ​ឆ្នោត​។

​ប៉ុន្តែ​នៅ​ពេល​​បោះ​ឆ្នោត​មាន​តែ​លោក យ៉េង វីរៈ ប៉ុណ្ណោះ​ជា​​មនុស្ស​ម្នាក់​ក្នុង​ចំណោម​​​​មនុស្ស​ឆ្នើម​ៗ​ជាច្រើន​ដែលបាន​ចូលរួម​សកម្ម​​​ភាព​របស់​​ក្រុម​តស៊ូ​មតិ​ខ្មែរ​ដើម្បី​ខ្មែរ​នៅ​​​ក្នុង​រយៈ​ពេល​៩​ខែ​​កន្លង​មក​នេះ ​បាន​នាំ​មុខ​គេ​ ដោយ​ត្រូវបាន​​​​ជ្រើសរើស​​​​ត្រឹម​ត្រូវ​​​​ជា​ “ប្រធាន​​​​បណ្ដោះ​អាសន្ន​” ដោយ​អ្នក​ចូល​រ​ួម​ចំនួន​១០៣​នាក់។

លោក យ៉េង វីរៈ បាន​ថ្លែង​ទៅ​កាន់​ក្រុម​មនុស្ស​ក្រោយ​មក​ថា ”​ខ្ញុំ​សូម​ថ្លែង​​​​អំណរ​គុណ​យ៉ាង​ជ្រាល​ជ្រៅ​ចំពោះ​ការ​​ជឿ​ទុក​ចិត្ត​របស់​បង​ប្អូន​មក​លើ​ពួកយើង ក្នុងការ​បោះ​ឆ្នោត​​ឲ្យ​ពួក​យើង​បំពេញ​ភារកិច្ច​នេះ​​ជា​គណៈ​កម្មាធិការ​បណ្ដោះ​អាសន្ន​របស់​គណបក្ស GDP ​ជា​ប្រធាន​ អនុប្រធាន និង​អគ្គ​លេខាធិការ។

លោក សាម អ៊ីន អតីត​ប្រធាន​អង្គការ​ជីវិត​ថ្លៃ​ថ្នូរ ​ជា​អង្គការ​មិន​មែន​រដ្ឋាភិបាល​​​ដែល​ត្រូវ​​ បាន​បោះឆ្នោត​ជ្រើស​រើស​ជា​អគ្គ​លេខា​ធិការ​​​​បក្ស​ បាន​មាន​ប្រសាសន៍​នៅ​ក្នុង​​សុន្ទរ​ក​​​ថា​ថា គណបក្ស​បាន​​ផ្តល់​គំនិត​​ថ្មីៗស្តីពី​នយោ​​​បាយ​​។

ដោយ​សន្យា​​លុប​បំបាត់​ “​វប្បធម៌​អ្នក​នយោ​បាយ​ខ្មែរ​ជើង​ចាស់​” លោក សាម អ៊ីន បាន​លើ​ក​ឡើង​ថា “​សម្រាប់​គណបក្ស GDP គណបក្ស​មាន​វិធីសាស្ត្រ​ថ្មី​ក្នុង​ការ​ធ្វើ​ការ​ងារ ចាប់​ពី​ថ្នាក់​​​ក្រោម​ដល់​ថ្នាក់​លើ សមាជិក​ទាំង​អស់​គឺ​សំខាន់​​​ណាស់ ហើយ​ធ្វើ​ការ​សម្រេច​​ក្នុង​ការ​បោះ​ឆ្នោត​​​​ជ្រើស​រើស​មេដឹកនាំ​របស់​ខ្លួន” ។

លោក​បាន​បន្ថែម​ថា ”​ពួកគេ​​លើក​ស្ទួយ​​តែអ្នក​ដែល​អនុវត្ត​តាម​ និង​សរសើរ​ពួកគេ​តែ​ប៉ុណ្ណោះ។ ពួកគេ​មិនត្រូវ​​​​​ធ្វើ​ដូចនោះទេ ប្រសិន ​បើ​នរណា​ម្នាក់​ធ្វើ​ការ​ងារ​បាន​ល្អ​សម្រាប់​ប្រជាជន​ ប្រជាជន​នឹង​ជ្រើស​រើស​គាត់​”។

ដោយ​ត្រូវ​បាន​ទាក់​ទង​តាម​ទូរស័ព្ទ​បន្ទាប់​​ពី​សមាជ​ លោក កែម ឡី ​ដែល​​មិនបាន​ចូល​រួម​​​​​ក្នុង​​សកម្មភាព​របស់​គណបក្ស​ GDP បាន​មាន​ប្រសាសន៍​​ថា សមាជ​កាលពី​ម្សិលមិញ​ធ្វើ​ឡើង​ដើម្បី​បោះឆ្នោត​ជ្រើស​រើស​​មេដឹក​នាំ​បណ្ដោះ​អាសន្ន​មួយ​រូប​ដើម្បី​អនុញ្ញាត​ឲ្យ​គណបក្ស​អាច​ចាប់​ផ្ដើម​​ដំណើរ​ការ​ចុះ​បញ្ជី​ជាមួយ​ក្រសួង​មហាផ្ទៃ។

នៅ​ពេល​គណបក្ស​ជ្រើស​រើស​បាន​សមា​ជិក​គ្រប់​គ្រាន់​ដើម្បី​បំពេញ​តាម​ច្បាប់​គណ​បក្ស​​នយោបាយ​ ហើយ​រួម​បញ្ចូល​គណបក្ស​តូចៗ​ថ្នាក់​ឃុំ​-សង្កាត់​ចំនួន​១០០​ចូលទៅ​ក្នុង​សមាជិក​របស់​គណបក្ស​ GDP ហើយ​​​នោះ​​​មាន​ឱកាស​ដែល​​​​លោក យ៉េង វីរៈ អាច​ត្រូវ​បាន​​ជំនួស។

លោក កែម ឡី មាន​ប្រសាសន៍​ថា “​ព្រឹក​នេះ ​មិន​មែន​ជា​ការ​បង្កើត​គណបក្ស​ពិត​​ទេ។ នៅ​ពេល​ពួកគេ​ប្រមូល​បាន​​​ឃុំ-សង្កាត់​ចំនួន​១០០​នៅ​ចុង​ឆ្នាំនេះ ពួកគេ​នឹង​ធ្វើ​សមាជ​លើក​ដំបូង​ ហើយ​នៅ​ពេល​នោះ​នឹង​មាន​បេក្ខជន និង​ប្រជាជន​ផ្សេងៗ​ដែល​អាច​ឈរ​ឈ្មោះ”​។

លោក​បាន​បន្ថែម​ថា “​វា​មិន​ដូច​គណបក្ស​ប្រជាជន​កម្ពុជា​ដែល​ប្រជា​ជន​គ្រាន់​តែ​ធ្វើ​តាម​ចៅហ្វាយ​របស់​ខ្លួន​នោះ​ឡើយ។ គ្រប់​គ្នា​អាច​លេង​ល្បែង​របស់​ខ្លួន​ផ្ទាល់​ ហើយ​ខ្ញុំ​អាច​និយាយ​បាន​ថា ដំណើរ​ការ​នៃ​ការ​បោះ​ឆ្នោត​​នៅ​ព្រឹក​នេះ​គឺ​ប្រព្រឹត្ត​ទៅដោយ​រលូន និង​យុត្តិធម៌ បើ​ទោះ​ណា​ជា​ខ្ញុំ​មិនមាន​វត្តមាន​នៅ​​​ទីនោះ​ក៏ដោយ”៕ សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស