27 C
Phnom Penh

បក្ស​​​សង្គ្រោះ​​​ជាតិ​​​ប្រគល់​​​ផែន​​​ទី​​​ព្រំដែនកម្ពុជា ​​​ឲ្យ​លោក សុខ​​​ ទូច 

ដោយ ឌឹ ខេមបូឌា ដេលី

បទវិភាគ

កាល​​​ពីម្សិលមិញ គណបក្ស​​​សង្គ្រោះ​​​ជាតិ​​​បាន​​​ប្រគល់​​​ផែន​​​ទី​​​ឌីជីថល​​​របស់​​​ខ្លួននៃ​​​ព្រំ​​​ដែន​​​​​​អន្តរ​​​ជាតិ​​​របស់​​​កម្ពុជា​​​ឲ្យ​​​លោក ​​​សុខ ទូច អ្នក​​​ស្រាវ​​​ជ្រាវ​​​ដ៏​​​លេច​​ធ្លោ​​​មួយ​​​រូប​​​មក​​​​​​ពី​​​រាជ​​​បណ្ឌិត្យ​​​​ សភា​​​កម្ពុជា ​​​ដែល​​​រដ្ឋាភិបាល​​​បាន​​​ជ្រើស​​​​​​តាំង​​​ឲ្យ​​​​​​ធ្វើ​​​ការ​​​សិក្សា​​​ស្រាវ​​​ជ្រាវ​​​ក្នុង​​​គោល​​​បំណង​​​បញ្ចប់​​​ជម្លោះ​​​នយោបាយ​​​ក្នុង​​​ពេល​​​​បច្ចុប្បន្ន​​​ជុំ​​​វិញ​​​បញ្ហា​​​ព្រំដែន​​​។

ដោយ​​​ដឹក​​​នាំដោយ​​​​​​តំណាង​​​រាស្ត្រ​​​មួយ​​​ក្រុម​​​ គណ​​​បក្ស​​​ប្រឆាំង​​​បាន​​​បើក​​​យុទ្ធ​​​នាការ​​​មួយ​​​កាល​​​ពី​​​ពីរ​​​ខែមុន​​​​​​ ដោយ​​​ចោទ​​​ប្រកាន់​​​

លោក ឡុង រី តំណាង​​​រាស្ត្រ​​​គណបក្ស​​​សង្គ្រោ​​​ះ​​​ជាតិ (ឆ្វេង) និង លោក សុខ ទូច កាន់​​​ផែន​​​ទី​​​ព្រំ​​​ដែនអន្តរជាតិ​​​​​​របស់​​​កម្ពុជា​​ នៅឯទី​​​ស្នាក់​​​ការ​​​គណបក្ស​​​សង្គ្រោះជាតិ​​​ ក្នុង​​​រាជធានីភ្នំពេញ កាល​​​ពី​​​ម្សិលមិញ​។ រូបថតៈ សីុវ  ចាន់ណា/The Cambodia Daily
លោក ឡុង រី តំណាង​​​រាស្ត្រ​​​គណបក្ស​​​សង្គ្រោ​​​ះ​​​ជាតិ (ឆ្វេង) និង លោក សុខ ទូច កាន់​​​ផែន​​​ទី​​​ព្រំ​​​ដែនអន្តរជាតិ​​​​​​របស់​​​កម្ពុជា​​ នៅឯទី​​​ស្នាក់​​​ការ​​​គណបក្ស​​​សង្គ្រោះជាតិ​​​ ក្នុង​​​រាជធានីភ្នំពេញ កាល​​​ពី​​​ម្សិលមិញ​។ រូបថតៈ សីុវ ចាន់ណា/The Cambodia Daily

រដ្ឋា​​​ភិបាល​​​ថា បាន​​​សម​​​គំនិត​​​នៅ​​​ក្នុង​​​ការ​​​ឈ្លាន ​​​ពាន​​​​​​ទឹកដី​ពី​​​សំណាក់​​​វៀតណាម​​​ និង​​​កាត់​​ទឹក​ដី​​​ដោយ​​​​​​ខុស​​​ច្បាប់​​​​​​ឲ្យ​​​វៀតណា​​​ម​​​ដោយ​ប្រើ​​​ផែន​​​ទី​​​ផ្សេង​​​ពី​​​ផែន​​​ទី​​​ដែល​​​មាន​​​ចែង​​​នៅ​​​ក្នុង​​​រដ្ឋធម្ម​​​នុញ្ញ​​​អំឡុង​​​កិច្ច​​​ពិភាក្សា​​​ស្ត​​​ី​​​ពី​​​ការ​​​កំណត់​​​ព្រំដែន​​​។

រដ្ឋាភិបាល​​​បាន​​​បដិសេធ​​​មិន​​​បង្ហាញ​​​ផែន​​​ទី​​​របស់​​​ខ្លួន​​​ដល់​​​តំណាង​​​រាស្ត្រ​​​គណបក្ស​​​ប្រឆាំង​​​​​​ឡើយ​​​ ប៉ុន្តែ កាល​​​ពី​​​សប្តាហ៍​​​មុន​​​​​​បាន​​​ផ្តល់​​​ផែន​​​ទី​​​ទាំង​​​នោះ​​​ឲ្យ​​​លោក សុខ​​​ ទូច ដែល​​​ជា​​​ប្រធាន​​​វិទ្យា​​​ស្ថាន​​​ទំនាក់​​​ទំនង​​​អន្តរ​​​ជាតិ​​​នៅ​​​រាជ​​​បណ្ឌិត្យ​​​​សភា​​​។

កាល​​​ពី​​​​​​ម្សិលមិញ លោក ហុង សុខ​​​ហួរ សមាជិក​​​ព្រឹទ្ធ​​​សភា​​​​​​មក​​​ពី​​​គណបក្ស​​​ប្រឆាំង​​​ដែល​​​ប្រមូល​​​ផែន​​​ទី​​​ពី​​​ប្រទេស​​​បារាំង​​​បាន​​​ប្រគល់​​​ច្បាប់​​​ចម្លង​​​ឲ្យ​​​លោក​​​ សុខ​​​ ទូច នៅ​​​ក្នុង​​​ពិធី​​​មួយនៅឯ​​​ទីស្នាក់​​​ការ​​​បក្ស​​​ក្នុង​​​រាជ​​​ធានី​​​ភ្នំពេញ​​ ដើម្បី​​​ឲ្យ​​​អ្នក​​​ស្រាវ​​​ជ្រាវ​​​រូប​​​នេះ​​​អា​​​ច​​​ធ្វើ​​​ការ​​​ប្រៀប​​​ធៀប​​​ជាមួយ​​​ផែន​​​ទី​​​របស់​​​គណ​​​បក្ស​​​ប្រជា​​ជន​​​កម្ពុជា​​​។

លោក ហុង សុខហួរ បាន​​​លើក​​​ឡើង​​​ថា ផែន​​​ទី​​​ដែល​​​ប្រគល់​​​ឲ្យ​​​លោក សុខ​​​ ទូច គឺ​ដូចបេះបិទ​ទៅ​​​នឹង​​​ផែន​​​ទី​​​គូស​​​ដោយ​​​បារាំង​​​ចន្លោះ​​​ឆ្នាំ​​​១៩៣៣ ​​​ដល់​​​ឆ្នាំ​​​១៩៥៣ និង​​​មាន​​​ចែង​​​នៅ​​​ក្នុង​​​មាត្រា​​​២​​​ក្នុង​​​រដ្ឋ​​​ធម្មនុញ្ញ​​​។

ទោះ​​​ជា​​​យ៉ាង​​​ណា លោក ហុង សុខ​​​ហួរ​បាន​​​មាន​​​ប្រសាសន៍​​​ថា គណបក្ស​​​សង្គ្រោះ​​​ជាតិ​​​នឹង​​​មិន​​​ទទួល​​​ស្គាល់​​​លទ្ធផល​​​នៃ​​​ការ​​​ស្រាវ​​​​​​ជ្រាវ​​​របស់​​​លោក សុខ​​​ ទូច​​​ ទេ​​​​។ ” ជា​​​ការ​​​​​​ពិត​​​ យើង​​​ត្រូវ​​​រង់ចាំ​​លទ្ធផលថា​​ តើ​​​លទ្ធផល​​​នៃ​​​ការ​​​ស្រាវ​​​ជ្រាវ​​​អាច​​​ទទួលយក​​​បាន​​​ ឬ​​​ក៏​​​អត់​​​ ព្រោះ​​​យើង​​​ក៏​​​មាន​​​ភ័ស្តុ​​​តាង និង​​​ព័ត៌មាន​​​ផ្ទាល់​​​ខ្លួន​​​សម្រាប់​​​ពិចារណា​​​ដែរ។ យើង​​​អាច​​​ពិភាក្សា​​​ជាមួយ​​​លោក សុខ ទូច អំពី​​​លទ្ធផល​​​នៃ​​​ការ​​​ស្រាវ​​​ជ្រាវ​​​របស់​​​គាត់​​​ដើម្បី​​​ចង់​​​ដឹង​​​ថា តើ​​​អ្វី​​​ដែល​​​​​​គាត់​​​​បាន​​​រក​​​ឃើញ ហើយ​​​ប​​​ន្ទាប់​​​មក​​​យើង​​​អាច​​​ជជែក​​​តទល់​​​ ពិភាក្សា​​​ និង​​​ធ្វើ​​​ការ​​​ប្រៀបធៀប​​​វា”។cam-photo-maps-channa

លោក អ៊ុំ សំអាន តំណាង​​​រាស្ត្រ​​​គណបក្ស​​​សង្គ្រោះ​​​ជាតិ​​​ដែល​​​ជួយ​​​ក្នុង​​​ការ​​​ដឹក​​​នា​​​ំ​​​យុទ្ធ​​​នា​​​ការ​​​របស់​​​គណបក្ស​​​ប្រឆាំង​​​បាន​​​ចោទ​​​សួរ​​​ថា ​​​តើ​​​ការ​ស្រាវ​​​ជ្រាវ​​​របស់​​​លោក សុខ​​​ ទូច នឹង​​​ឯករាជ្យ​​​ពេញ​​​លេញ​​​ ឬ​​​យ៉ាង​​​ណា?។

លោក​​​បាន​​​មាន​​​ប្រសាសន៍​​​ថា “យើង​​​បាន​​​កត់​​​សម្គាល់​​​ឃើញ​ថា ក្នុង​​​ពេល​​​ថ្មី​​​ៗ​​​នេះ​​​ លោក​​​បណ្ឌិត​​​ សុខ ទូច បានមានប្រសាសន៍តាម​​​​អ្វី​​​ដែល​​​លោក​​​នាយក​​​រដ្ឋ​​​មន្ត្រី ហ៊ុន​​​ សែន បាន​​​លើក​​​ឡើង​​​អំពី​​​ព្រំដែន​​​។ ហេតុ​​​ដូច្នេះ​​​ ​​​អ្វី​​​ដែល​​​​​​​​​គាត់​​​​កំពុង​​​ធ្វើ​​​ គឺ​​​វា​​​ហាក់​​​បី​​​ដូច​​​ជាដើម្បី​​​រដ្ឋាភិ​​​បាល​​​​​​អ៊ីចឹង​​​វា​​​លំបាក​​​ក្នុង​​​ការ​​​និយាយ​​​ថា តើ​​​ការ​​​​​​​ស្រាវ​​ជ្រាវ​​​នេះ​​​នឹង​​​ប្រកប​​​ដោយ​​​ឯក​​​រាជភា​​ព​​​ដែរ​​​ ឬ​​​អត់ណាស់​​​​”។

ប៉ុន្តែ លោក សុខ ឥសាន អ្នក​​​នាំពាក្យ​​​គណ​​​បក្ស​​​ប្រជាជនកម្ពុជា​​​បាន​​​លើក​​​ឡើង​​​ថា ​​​គណ​​​បក្ស​​​ប្រជាជន​​​កម្ពុជា​​​ជឿ​​​ជាក់​​​លើ​​​លោក ​​​សុខ ​​​ទូច ហើយ​​​នឹង​​​ទទួល​​​យក​​​លទ្ធផល​​​នៃ​​​ការ​​​ស្រាវ​​​ជ្រាវ​​​របស់​​​លោក​​​។

លោក​​​បាន​​​មាន​​​ប្រសាសន៍​​​ថា “រដ្ឋាភិបាល​​​ និង​​​គណបក្ស​​​ប្រជាជន​​កម្ពុជា​​​​​​ស្វាគមន៍​​​ភាគី​​​ពាក់​​​ព័ន្ធ​​​ទាំង​​​អស់​​​ដែល​​​ផ្តល់​​​ឯកសារ​​​ដល់​​​រាជ​​​បណ្ឌិត្យ​​​​សភា​​​កម្ពុជា​​​ដើម្បី​​​សិក្សា​​​ស្រាវ​​​ជ្រាវ​​​អំពី​​​ព្រំដែន​​​ ប្រកប​​​ដោយ​​​តម្លាភាព​​​សម្រាប់​​​អ្នក​​​​​​ទាំង​​​អស់​​​គ្នា​​​។ រដ្ឋាភិបាល​​​ និង​​​គណបក្ស​​​ប្រជាជន​​​កម្ពុជា​​​នឹង​​​ទទួលយក​​​លទ្ធផល​​​ចុង​​​ក្រោយ​​​។ លទ្ធផល​​​នឹង​​​អាច​​​ជឿ​​​ទុក​​​ចិត្ត​​​បាន​​​”។

លោក សុខ ទូច មិន​​​អាច​​​ទាក់​​​ទង​​​សុំ​​​ការ​​​បំភ្លឺ​​​ បាន​​​ទេ​​​កាល​​​ពីម្សិលមិញ ប៉ុន្តែ លោក​​​បាន​​​លើក​​​​​​​​​ឡើង​​​កាល​​​ពី​​​ថ្ងៃ​​​សុក្រ​​​ថា ការស្រាវ​​​ជ្រាវ​​​ របស់​​​លោក​​​​​​នឹង​​​មិន​​​ទទួល​​​រង​​​”ឥទ្ធិពល​​​ណា​​​មួយ​​​ពី​​​រដ្ឋាភិបាល​​​”ឡើយ​​​ ហើយ​​​វា​​​ត្រូវ​​​បាន​​​ធ្វើ​​​ ឡើង​​​ គឺ​​​គ្រាន់់តែ​ដើម្បី​​​​​​ជួយ​​​បញ្ចប់​​​ជម្លោះ​​​ជុំវិញ​​​​​​បញ្ហា​​​ព្រំដែន​​​​ប៉ុណ្ណោះ​​​”៕ស៊ុយឈាង​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស