អង្គការឃ្លាំមើលសេរីភាពក្នុងពិភពលោកFreedom Houseដែលមានមូលដ្ឋានក្នុងរដ្ឋធានីWashingtonសហរដ្ឋអាមេរិកបានបន្តឲ្យចំណាត់ថ្នាក់កម្ពុជាជាប្រទេសគ្មានសេរីភាពដូចប្រទេសភូមា កូរ៉េខាងជើង ប្រទេសថៃ និងបណ្តាប្រទេសចំនួនទៀតដែរ។
របាយការណ៍ប្រចាំឆ្នាំរបស់អង្គការ Freedom Houseសម្រាប់ឆ្នាំ២០១៨កន្លងទៅបង្ហាញថា កម្ពុជាជាប្រទេសមិនមានសេរីភាពដោយសារ របបលោកហ៊ុន សែនបានរំលាយមូលដ្ឋានគ្រឹះនៃប្រជាធិបតេយ្យ ការឃុំខ្លួនមេដឹកនាំបក្សសង្គ្រោះជាតិលោកកឹម សុខានៅក្នុងផ្ទះ ការហាមមិនឲ្យមន្រ្តីរបស់បក្សនេះចំនួន១១៨នាក់មានសិទ្ធិធ្វើនយោបាយការរឹតត្បិតសេរីភាពរបស់អង្គការសង្គមស៊ីវិលនិងប្រព័ន្ធផ្សព្វផ្សាយឯករាជ្យជាដើម។
កាលពីថ្ងៃច័ន្ទម្សិលមិញនេះសកម្មជនគណបក្សសង្គ្រោះជាតិក្នុងប្រទេសបារាំងលោកថៃ មករាបានប្រាប់សារព័ត៌មានThe Cambodia Dailyថា លោកបានយកលិខិតពីរច្បាប់ទៅឲ្យអ្នកស្រី Michelle Bachelet ឧត្តមស្នងការរបស់អង្គការសហប្រជាជាតិទទួលបន្ទុកសិទ្ធិមនុស្សក្នុងទីក្រុងហ្សឺណែវប្រទេសស្វីស។ លិខិតនោះនិយាយអំពីករណីបាញ់ប្រហារពលរដ្ឋក្នុងរឿងជម្លោះដីធ្លីនៅខេត្តព្រះសីហនុ និងការគំរាមរបស់លោកហ៊ុន សែនក្នុងការចាប់ខ្លួនពលរដ្ឋណាដែលហ៊ានទៅទទួលលោកសមរង្ស៊ីប្រសិនបើលោកត្រឡប់ទៅស្រុកវិញ៕