បារាំងស្នើរដ្ឋាភិបាលកម្ពុជាធ្វើសច្ចាប័នលើច្បាប់សមុទ្រ ដើម្បីដោះស្រាយបញ្ហាព្រំដែនទឹកជាមួយប្រទេសជិតខាង

ឯកអគ្គរដ្ឋទូតបារាំងប្រចាំកម្ពុជា លោក ហ្សាក់ ប៉ឺឡេ (Jacques Pellet) ស្នើឱ្យរដ្ឋាភិបាលក្រុងភ្នំពេញ ធ្វើសច្ចាប័នលើច្បាប់សមុទ្រ (UNCLOS) ដើម្បីបង្កើនភាពងាយស្រួលក្នុងការដោះស្រាយបញ្ហាព្រំដែនសមុទ្រ និងកោះជាមួយប្រទេសជិតខាង។

ឯកអគ្គរដ្ឋទូតបារាំងប្រចាំកម្ពុជា បានលើកឡើងក្នុងកិច្ចពិភាក្សាតុមូលដែលធ្វើឡើងនៅស្ថានទូតបារាំងជាមួយអ្នកសារព័ត៌មាន កាលពីថ្ងៃទី៥ ខែឧសភា ថា លោកមិនទាន់បានទទួលព័ត៌មានលម្អិតអំពីបញ្ហាព្រំដែនរវាងកម្ពុជា និងប្រទេសជិតខាងនៅឡើយទេរហូតដល់ពេលនេះ។ លោកថា បញ្ហាព្រំដែន គឺត្រូវដោះស្រាយតាមការចរចារវាងប្រទេសពាក់ព័ន្ធ។

ការអះអាងនេះ ធ្វើឡើងស្របពេលដែលគេមើលឃើញថា កម្ពុជាកំពុងបាត់បង់ទឹកដីទៅប្រទេសជិតខាងជាបន្តបន្ទាប់ក្រោមការដឹកនាំរបស់បក្សកាន់អំណាចជាង ៤០ឆ្នាំមកនេះ ជាពិសេសគឺដែនសមុទ្ររបស់ខ្មែរ។

ជុំវិញបញ្ហានេះ ចៅក្រមនៃតុលាការអន្តរជាតិសម្រាប់ច្បាប់សមុទ្រ (International Tribunal for the law of the sea “ITLOS”) និងជាអតីតអគ្គរាជទូតជប៉ុនប្រចាំនៅកម្ពុជា លោក Horinouchi ក៏ធ្លាប់បានលើកឡើងក្នុងវេទិកាមួយនៅសណ្ឋាគារ Le Royal ក្នុងទីក្រុងភ្នំពេញ កាលពីថ្ងៃទី១៨ ខែមីនា ឆ្នាំ២០២៥ បានជំរុញឱ្យរដ្ឋាភិបាលកម្ពុជាធ្វើសច្ចាប័នលើអនុសញ្ញារបស់អង្គការសហប្រជាជាតិស្ដីពីច្បាប់សមុទ្រ (UNCLOS) ឆ្នាំ១៩៨២ ដើម្បីទទួលបានអត្ថប្រយោជន៍នៅដែនសមុទ្រ ព្រមទាំងអាចដោះស្រាយដែនសមុទ្រ និងកោះរបស់កម្ពុជាដែលកំពុងមានជម្លោះជាមួយប្រទេសថៃ និងវៀតណាម រហូតមកនោះ។

រដ្ឋាភិបាលកម្ពុជា បានចុះហត្ថលេខាលើច្បាប់សមុទ្រ (UNCLOS) នៅឆ្នាំ១៩៨៣ ប៉ុន្តែមិនទាន់បានពេញលេញនៅឡើយទេ ដូច្នេះតម្រូវឱ្យកម្ពុជាផ្តល់សច្ចាប័នលើច្បាប់សមុទ្រ (UNCLOS) នេះបន្ថែមទៀត ដើម្បីឱ្យមានលក្ខណៈពេញលេញសម្រាប់ការចរចាជាមួយប្រទេសជិតខាង និងដើម្បីទុកធ្វើជាមូលដ្ឋានក្នុងការការពារទឹកដីរបស់ខ្លួន។

កម្ពុជាស្ថិតក្រោមការត្រួតត្រារបស់លោក ហ៊ុន សែន ជាង ៤០ឆ្នាំដែលមិនព្រមធ្វើសច្ចាប័នលើច្បាប់សមុទ្រ (UNCLOS) ឱ្យបានពេញលេញនេះ ត្រូវគេសង្ស័យថា ដោយសារគាត់បារម្ភខ្លាចច្បាប់មួយនេះធ្វើឱ្យប៉ះពាល់ដល់សន្ធិសញ្ញាស្ដីពីតំបន់ទឹកប្រវត្តិសាស្ត្រឆ្នាំ១៩៨២ ដែលគាត់បានចុះហត្ថលេខាជាមួយវៀតណាម អំឡុងទសវត្សរ៍ឆ្នាំ១៩៨០ សម័យវៀតណាម ត្រួតត្រាកម្ពុជានោះ។

ជុំវិញបញ្ហានេះ ក្រុមអ្នកសង្កេតការណ៍លើកឡើងថា បើកម្ពុជាប្រើច្បាប់សមុទ្រ (UNCLOS) គឺប្រឆាំងទៅនឹងសន្ធិសញ្ញាខុសច្បាប់ដែលលោក ហ៊ុន សែន ចុះហត្ថលេខាប្រគល់កោះត្រល់ និងកោះក្រចកសេះរបស់ខ្មែរទៅឱ្យវៀតណាម ជាមិនខាន ជាពិសេស បើរដ្ឋាភិបាលកម្ពុជាប្តឹងវៀតណាម ទៅតុលាការអន្តរជាតិដោយប្រើច្បាប់នេះ នោះកម្ពុជានឹងអាចប្រមូលទឹកដីរបស់ខ្លួនត្រឡប់មកវិញយ៉ាងពិតប្រាកដ៕

បារាំងស្នើរដ្ឋាភិបាលកម្ពុជាធ្វើសច្ចាប័នលើច្បាប់សមុទ្រ ដើម្បីដោះស្រាយបញ្ហាព្រំដែនទឹកជាមួយប្រទេសជិតខាង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន