អភិបាលខេត្តកែប បញ្ជាឱ្យហាមដាច់ខាតការនាំចូលប្រេងឥន្ធនៈ ឧស្ម័ន បន្លែផ្លែឈើ និងផលនេសាទពីប្រទេសថៃ

អភិបាលខេត្តកែប បញ្ជាឱ្យកងទ័ពជើងទឹក អាវុធហត្ថខេត្ត ខណ្ឌរដ្ឋបាលជលផល និងមន្ត្រីពាក់ព័ន្ធទាំងអស់ ចុះតាមដាន និងហាមឃាត់ឱ្យបានដាច់ខាតចំពោះការនាំចូល «ប្រេងឥន្ធនៈ ឧស្ម័ន បន្លែផ្លែឈើ និងផលនេសាទ» ពីប្រទេសថៃ តាមផ្លូវសមុទ្រ។

លោក សោម ពិសិដ្ឋ បានថ្លែងនៅថ្ងៃទី៣០ ខែមិថុនា ថា ហាមឃាត់ជាដាច់ខាតចំពោះការនាំចូលប្រេងឥន្ធនៈ ឧស្ម័ន បន្លែ និងផ្លែឈើពីប្រទេសថៃ តាមច្រកសមុទ្រ ដោយបញ្ជាឱ្យកងទ័ពជើងទឹក កងរាជអាវុធហត្ថ ខណ្ឌរដ្ឋបាលជលផល និងមន្ត្រីពាក់ព័ន្ធទាំងអស់ ចុះតាមដានទូកនេសាទ និងអូប័រតូចៗដែលអាចបង្កប់ទំនិញគ្រប់រូបភាពចូលមកកម្ពុជា។

លោកបន្តថា ត្រូវទប់ស្កាត់ការនាំចូលផលនេសាទ ឬគ្រឿងសមុទ្រនានាពីប្រទេសថៃ។ លោកថា ការបិទខ្ទប់ទំនិញថៃ តាមផ្លូវសមុទ្រនៅពេលនេះ នឹងរួមចំណែកទៅកាត់ផ្ដាច់ផ្លូវដឹកជញ្ជូនបន្លែ និងផ្លែឈើរបស់ថៃ ដែលលក់ទៅទីផ្សារវៀតណាម ថែមទៀត។

លោក សោម ពិសិដ្ឋ ឲ្យដឹងថា ត្រូវយកស្មារតីជាតិនិយមដាក់ក្នុងខ្លួន កុំធ្វើការងារដោយបើកភ្នែកម្ខាងបិទភ្នែកម្ខាង។ លោកថា ក្នុងករណីលេចចេញនូវមុខទំនិញហាមឃាត់ក្នុងភូមិសាស្ត្រខេត្តកែប តាមរយៈការបើកដៃពីអង្គភាពណាមួយ លោកនឹងរាយការណ៍ទៅកាន់ថ្នាក់ដឹកនាំស្ថាប័ននោះ ដើម្បីស៊ើបអង្កេត និងដាក់ទណ្ឌកម្មដោយគ្មានការលើកលែង។

លោកបន្តថា សម័យកាលនេះ គឺជាពេលដែលយើងប្រយុទ្ធប្រឆាំងនឹងសត្រូវឈ្លានពានទឹកដី ដូច្នេះត្រូវតែធ្វើ មិនត្រូវចុះញ៉មបរទេសនោះទេ។ លោកថា មិនមែនបិទផ្លូវគោកហើយ ចេញផ្លូវទឹកទេ គឺត្រូវតែបិទឱ្យជាប់។

ស្ថានការណ៍ជម្លោះព្រំដែនកម្ពុជា-ថៃ ចាប់តាំងពីមានការផ្ទុះអាវុធនៅថ្ងៃទី២៨ ខែឧសភា បណ្ដាលឱ្យទាហានខ្មែរម្នាក់បានបាត់បង់ជីវិតដោយសារភាគីថៃ ជាអ្នកចាប់ផ្ដើមបាញ់មុន។ បញ្ហាព្រំដែនកាន់តែក្ដៅ រហូតដល់បង្រួមម៉ោងចេញចូលតាមច្រកព្រំដែន ហើយបច្ចុប្បន្ន ឈានដល់ការបិទទាំងស្រុង។

លោក ហ៊ុន ម៉ាណែត បានផ្ញើសារបញ្ជាក់ទៅពលរដ្ឋទាំងពីរប្រទេសចំនួន ៤ចំណុច ដោយលើកឡើងថា កម្ពុជាយល់ច្បាស់អំពីការលំបាករបស់ពលរដ្ឋទាំងខាងកម្ពុជា និងទាំងខាងភាគីថៃ ដែលរងផលប៉ះពាល់ពីការបិទច្រកព្រំដែននេះ។

លោកថា កម្ពុជាមិនបានប្រើប្រាស់នូវវិធានការបិទច្រកព្រំដែននេះមុនទេ ចាប់តាំងពីមានបញ្ហានៅតំបន់មុំបី កាលពីចុងខែឧសភា ឆ្នាំ២០២៥ ព្រោះកម្ពុជាមិនមានបំណងពង្រីកភូមិសាស្ត្រដែលមានវិវាទ ឬបង្កបញ្ហានាំឲ្យប៉ះពាល់ដល់ការធ្វើដំណើរ និងការធ្វើពាណិជ្ជកម្មរបស់ប្រជាជនថៃ និងខ្មែរតាមបណ្ដោយព្រំដែនទេ។

លោក ហ៊ុន ម៉ាណែត អះអាងថា ដំណោះស្រាយពាក់ព័ន្ធជាមួយនឹងការបិទច្រកព្រំដែននេះ គឺងាយស្រួលដោះស្រាយណាស់ ប្រសិនបើភាគីថៃ បើកច្រកព្រំដែនឱ្យដូចស្ថានភាពដើមជាឯកតោភាគីឡើងវិញ នោះកម្ពុជានឹងបើកច្រកព្រំដែនខាងកម្ពុជាយ៉ាងយូរ ៥ម៉ោងបន្ទាប់ពីថៃ បើកច្រក៕

អភិបាលខេត្តកែប បញ្ជាឱ្យហាមដាច់ខាតការនាំចូលប្រេងឥន្ធនៈ ឧស្ម័ន បន្លែផ្លែឈើ និងផលនេសាទពីប្រទេសថៃ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន