CMAC៖ ថៃគ្មានលេសប្រកែកជុំវិញការផ្លោងគ្រាប់កាំភ្លើងធំមកលើកម្ពុជាឡើយ ព្រោះមានភស្តុតាង

មជ្ឈមណ្ឌលសកម្មភាពកម្ចាត់មីនកម្ពុជា (CMAC) អះអាងថា ថៃ គ្មានលេសប្រកែកសមហេតុផលជុំវិញការផ្លោងគ្រាប់កាំភ្លើងធំមកលើបូរណភាពទឹកដីកម្ពុជា នោះទេ ពីព្រោះមានលេខកូដសម្គាល់កាលបរិច្ឆេទ និងប្រទេសផលិត រួមទាំងក្រុមហ៊ុនផលិតច្បាស់លាស់។

អគ្គនាយកនៃមជ្ឈមណ្ឌលសកម្មភាពកម្ចាត់មីនកម្ពុជា (CMAC) លោក ហេង រតនា បានសរសេរលើទំព័រហ្វេសប៊ុករបស់ខ្លួននៅថ្ងៃទី២៩ កញ្ញា នេះថា ករណីផ្លោងគ្រាប់កាំភ្លើងធំរបស់យោធាថៃ មកលើកម្ពុជា កាលពីចុងសប្តាហ៍កន្លងទៅថ្មីៗនេះ ភាគីថៃ គឺជាអ្នកចាប់ផ្តើមបាញ់មកលើកម្ពុជា មុន ខណៈកងកម្លាំងកម្ពុជា មិនបានបាញ់តបតវិញឡើយ។

ប្រភពដដែល អះអាងថា ការផ្លោងគ្រាប់កាំភ្លើងធំរបស់កងទ័ពថៃ កាលពីថ្ងៃទី២៧ ខែកញ្ញា កន្លងទៅ ក៏ដូចគ្នានឹងករណីបាញ់ផ្លោងរបស់ពួកគេនៅភូមិភ្លុកដំរី ឃុំថ្មដា ស្រុកវាលវែង ខេត្តពោធិ៍សាត់ កាលពីថ្ងៃទី២៦ ខែកក្កដា ឆ្នាំ២០២៥ កន្លងទៅដែរ គឺថៃ ជាអ្នកបាញ់មកលើកម្ពុជា មុន ក្នុងគោលបំណងពង្រីកសមរភូមិប្រយុទ្ធតាមបណ្តោយព្រំដែនជាមួយកម្ពុជា។

លោក ហេង រតនា បញ្ជាក់ថា ការបាញ់ផ្លោងរបស់ទាហានថៃ មកលើភូមិសាស្ត្រឃុំថ្មដា ខេត្តពោធិ៍សាត់ កន្លងមក ខាងកម្លាំងអង្គភាព CMAC បានកំណត់អត្តសញ្ញាណគ្រាប់ផ្លោងទាំងនោះយ៉ាងច្បាស់លាស់ ហើយមានភស្តុតាងបង្ហាញថា គ្រាប់ផ្លោងទាំងនោះ គឺផលិតនៅប្រទេសណា និងប្រទេសណាជាអ្នកប្រើប្រាស់ ខណៈកម្ពុជា គ្មានគ្រាប់ផ្លោងបែបនេះទេ។

កាលពីថ្ងៃទី២៨ ខែកញ្ញា ឆ្នាំ២០២៥ កាសែតថៃ ខៅស៊ុត (Khaosod) បានស្រង់សម្ដីអ្នកនាំពាក្យនៃកងទ័ពភូមិន្ទថៃ លោក វីនថៃ ស៊ូវ៉ារី (Winthai Suvaree) ថា ភាគីកម្ពុជា បានប្រើប្រាស់អាវុធជាច្រើនគ្រាប់បាញ់ចូលទៅក្នុងទឹកដីថៃ នៅតំបន់ចុងបូក (Chong Bok) ក្នុងខេត្តអ៊ូប៊ុនរ៉ាត់ធានី (Ubon Ratchathani) ប្រទេសថៃ។

ប្រភពដដែល អះអាងថា ការប្រើប្រាស់អាវុធបែបនេះ គឺជាបញ្ហាចម្បងដែលក្រុមអ្នកសង្កេតការណ៍បណ្ដោះអាសន្ន (IOT) ត្រូវតែស៊ើបអង្កេតឱ្យបានហ្មត់ចត់ ព្រោះវាគឺជាការរំលោភលើកិច្ចព្រមព្រៀងឈប់បាញ់។

យ៉ាងណាក៏ដោយ អ្នកនាំពាក្យក្រសួងការពារជាតិកម្ពុជា អ្នកស្រី ម៉ាលី សុជាតា បានចេញសេចក្តីប្រកាសព័ត៌មានកាលពីថ្ងៃសៅរ៍ចុងសប្តាហ៍នេះថា នៅថ្ងៃទី២៧ ខែកញ្ញា ឆ្នាំ២០២៥ យោធាថៃ បានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជា ចំនួនពីរលើកនៅតំបន់អានសេះ ក្នុងភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ចាប់ពីម៉ោង ១១ និង ៥២នាទីព្រឹក រហូតដល់ម៉ោង ១២ និង ៤៦នាទីរសៀល។

ជុំវិញបញ្ហានេះ មេដឹកនាំបក្សកាន់អំណាច លោក ហ៊ុន សែន កាលពីថ្ងៃទី២៨ ខែកញ្ញា បានស្នើឱ្យក្រុមសង្កេតការណ៍អន្តរកាល (IOT) ចុះត្រួតពិនិត្យទីតាំងធ្លាក់គ្រាប់ ព្រមទាំងធ្វើកោសល្យវិច័យគ្រាប់ ដើម្បីធានានូវសុចរិតភាព តម្លាភាព អព្យាក្រឹត និងភាពជឿទុកចិត្តបានលើការអនុវត្តបទឈប់បាញ់។

លោក ហ៊ុន សែន បញ្ជាក់ថា ប្រសិនបើភាគីណាមួយបដិសេធមិនឱ្យអ្នកសង្កេតការណ៍អន្តរកាលចុះទៅត្រួតពិនិត្យ គឺបានសេចក្តីថា ភាគីនោះគឺជាអ្នកបាញ់ ហើយក៏ជាអ្នកដែលរំលោភបំពានទៅលើបទឈប់បាញ់ដែរ៕

CMAC៖ ថៃគ្មានលេសប្រកែកជុំវិញការផ្លោងគ្រាប់កាំភ្លើងធំមកលើកម្ពុជាឡើយ ព្រោះមានភស្តុតាង

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

រដ្ឋបាលខេត្តប៉ៃលិន ច្រានចោលព័ត៌មានដែលថាទាហានថៃ ឈ្លានពានចូលកាន់កាប់ទឹកដីរបស់ខ្លួន

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន

CMAC៖ ថៃ​គ្មាន​លេស​ប្រកែក​ជុំវិញ​ការ​ផ្លោង​គ្រាប់​កាំភ្លើងធំ​មក​លើ​កម្ពុជា​ឡើយ ព្រោះ​មាន​ភស្តុតាង

បទវិភាគ

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស

CMAC៖ ថៃគ្មានលេសប្រកែកជុំវិញការផ្លោងគ្រាប់កាំភ្លើងធំមកលើកម្ពុជាឡើយ ព្រោះមានភស្តុតាង