អ្នកនាំពាក្យរដ្ឋាភិបាលថៃ ប្រកែកថានាយករដ្ឋមន្ត្រីខ្លួនមិនបានទទួលស្គាល់ថាថៃឈ្លានពានទឹកដីកម្ពុជាឡើយ

អ្នកនាំពាក្យរដ្ឋាភិបាលថៃ ប្រកែកថា ការលើកឡើងរបស់នាយករដ្ឋមន្ត្រីថៃ លោក អនុធីន ឆានវីរៈគុល (Anutin Charnvirakul) អំពីភូមិបានណងចាន់ (Ban Nong Chan) និងភូមិបានណងយ៉ាកែវ (Ban Nong Ya Kaew) គ្រាន់តែបញ្ជាក់ពីគោលការណ៍យុត្តិធម៌ប៉ុណ្ណោះ មិនមែនទទួលស្គាល់ថាថៃ ឈ្លានពានទឹកដីកម្ពុជា នោះឡើយ។

អ្នកនាំពាក្យរដ្ឋាភិបាលថៃ លោក សិរីពង អង្គការសាក់គុលគីត (Siripong Angkasakulkiat) ត្រូវបានកាសែត The Nation របស់ថៃ ស្រង់សម្ដីនៅថ្ងៃទី២៨ តុលា នេះថា ការអះអាងរបស់លោក អនុធីន ឆានវីរៈគុល អំពីការគ្រប់គ្រងព្រំដែនថៃ និងកម្ពុជា គឺមានបំណងបង្ហាញពីភាពយុត្តិធម៌រវាងប្រទេសទាំងពីរប៉ុណ្ណោះ។

ប្រភពដដែល អះអាងថា ពិតមែនតែលោក អនុធីន ឆានវីរៈគុល ផ្តល់បទសម្ភាសន៍អំពីការដកថយចេញពីតំបន់ដែលគេឃើញថាជាទឹកដីកម្ពុជា និងរៀបចំលំនៅឋានសម្រាប់ពលរដ្ឋថៃ រងផលប៉ះពាល់ ដូចដែលកម្ពុជា ធ្លាប់បានធ្វើនោះ គ្រាន់តែជាការធ្វើអត្ថាធិប្បាយអំពីការគ្រប់គ្រងព្រំដែនជាមួយកម្ពុជា ដោយផ្ដោតលើភាពយុត្តិធម៌ និងការសហការរវាងប្រទេសទាំងពីរ។

មន្ត្រីរូបនេះបញ្ជាក់ថា គោលបំណងនៃការធ្វើអត្ថាធិប្បាយអំពីភូមិទាំងពីរនេះ គឺដើម្បីកាត់បន្ថយហានិភ័យសន្តិសុខ និងស្ដារទំនាក់ទំនងការទូតឲ្យប្រក្រតីរវាងប្រទេសទាំងពីរឡើងវិញប៉ុណ្ណោះ ចំណែកឯការបើកច្រកព្រំដែនឡើងវិញ គឺជាជំហានចុងក្រោយ បន្ទាប់ពីស្ថានភាពព្រំដែនមានស្ថិរភាព និងទំនាក់ទំនងការទូតត្រូវបានស្ដារឱ្យបានពេញលេញឡើងវិញដែរនោះ។

ការអះអាងនេះ ធ្វើឡើងបន្ទាប់ពីនាយករដ្ឋមន្ត្រីថៃ បានលើកឡើងពីភូមិជោគជ័យ និងភូមិព្រៃចាន់ ដែលថៃ បានចាត់ទុកជាកម្មសិទ្ធិរបស់ថៃ ស្ថិតក្នុងភូមិបានណងចាន់ និងភូមិបានណងយ៉ាកែវ ក្នុងពេលបច្ចុប្បន្ននេះ។

កាលពីថ្ងៃទី២៧ ខែតុលា ឆ្នាំ២០២៥ កាសែត ខៅស៊ុត (Khaosod) របស់ថៃ បានស្រង់សម្ដីនាយករដ្ឋមន្ត្រីថៃ លោក អនុធីន ឆានវីរៈគុល ថានៅក្នុងតំបន់ត្រួតស៊ីគ្នា កម្ពុជាបានរំលោភចូលដីថៃ ចំណែកឯថៃ ក៏បានរំលោភចូលដីកម្ពុជា ដែរក្នុងខេត្តស្រះកែវ ដែលជាប់នឹងខេត្តបន្ទាយមានជ័យ របស់កម្ពុជា ហើយបញ្ហានេះត្រូវតែមានការគ្រប់គ្រងដោយយុត្តិធម៌សម្រាប់ភាគីទាំងពីរ។

ប្រភពដដែល អះអាងថា ការគ្រប់គ្រងតំបន់ត្រួតស៊ីគ្នាក្នុងពេលបច្ចុប្បន្ននេះ គឺថៃ កំពុងផ្ដោតលើតំបន់បានណងចាន់ (Ban Nong Chan) និងបានណងយ៉ាកែវ (Ban Nong Ya Kaew) ខេត្តស្រះកែវ (Sa Kaeo) ព្រោះមានផ្នែកខ្លះរបស់កម្ពុជា បានរំលោភចូលមកលើថៃ ប៉ុន្តែក៏មានផ្នែកខ្លះរបស់ថៃ បានរំលោភចូលទៅលើកម្ពុជា ដូចគ្នាដែរ។

លោក អនុធីន ឆានវីរៈគុល លើកឡើងថា ប្រសិនបើប្រជាជនថៃ បានរំលោភចូលទឹកដីកម្ពុជា ថៃត្រូវតែប្រគល់ឲ្យកម្ពុជាវិញ ខណៈរដ្ឋាភិបាលត្រូវតែរកកន្លែងស្នាក់នៅថ្មីសម្រាប់ពលរដ្ឋដែលបានរំលោភលើដីកម្ពុជា ហើយការអនុវត្តដូចគ្នានេះ ក៏ត្រូវធ្វើឡើងដោយភាគីកម្ពុជា ដែលបានរំលោភលើដីថៃ ផងដែរ ក្នុងករណីដែលភាគីទាំងពីរមានការព្រមព្រៀងគ្នា។

នាយករដ្ឋមន្ត្រីថៃ រូបនេះ បញ្ជាក់ថា ប្រសិនបើកិច្ចការនេះអាចធ្វើទៅបាន ការគំរាមកំហែងដល់សន្តិសុខរបស់ប្រទេសថៃ នឹងត្រូវបានកាត់បន្ថយ ខណៈប្រទេសទាំងពីរក៏អាចចាប់ផ្តើមស្ដារទំនាក់ទំនងការទូតឡើងវិញដែរ។

ក្រោយការលើកឡើងរបស់លោក អនុធីន ឆានវីរៈគុល កាសែតថៃ Top News បានស្រង់សម្ដីអ្នកជំនាញផ្នែកសន្តិសុខ និងកិច្ចការអន្តរជាតិថៃ កាលពីថ្ងៃទី២៧ តុលា ដោយព្រមានរដ្ឋាភិបាលថៃ ហាមដាច់ខាតកុំឲ្យបាត់បង់តំបន់ទាំង១១ ដែលកងទ័ពថៃ បានដណ្តើមកាន់កាប់ ប្រគល់ទៅឲ្យកម្ពុជាវិញ ទោះមានកិច្ចព្រមព្រៀងសន្តិភាពក៏ដោយ។

ជុំវិញបញ្ហានេះ ពលរដ្ឋខ្មែរម្នាក់ឈ្មោះ ឈុំ ហ័រ អាយុ ៨៦ឆ្នាំ ជាម្ចាស់ដីចម្ការ និងផ្ទះដែលត្រូវយោធាថៃ ព័ទ្ធលួសបន្លាយកស្ថិតក្នុងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បានអះអាងកាលថ្ងៃទី៧ ខែតុលា នេះថា ទឹកដីខ្មែរដែលថៃ បានឈ្លានពានយកតាំងពីមុនរហូតដល់បច្ចុប្បន្ន គឺមានប្រវែងប្រមាណជា ៣គីឡូម៉ែត្រ។

លោក ឈុំ ហ័រ បញ្ជាក់ថា ជុំវិញការឈ្លានពានរបស់យោធាថៃ នាពេលនេះ គឺបានវាតទីចូលមកក្នុងទឹកដីខ្មែរប្រមាណជា ៥០០ម៉ែត្រ ហើយល្បិចកលដែលថៃ ធ្វើមកលើកម្ពុជា ក្នុងពេលបច្ចុប្បន្ន ក៏ដូចជាអ្វីដែលពួកគេធ្លាប់ធ្វើពីមុនមកដែរ ប៉ុន្តែខុសគ្នានៅត្រង់ថា ពេលមុន ពួកគេរំកិលបន្តិចៗ តែពេលនេះ គឺប្រើលួសបន្លាព័ទ្ធយកដីខ្មែររាប់រយម៉ែត្រតែម្តង។

អ្នកច្បាប់កម្ពុជា មេធាវី សុក សំអឿន បានលើកឡើងនៅថ្ងៃទី២៨ តុលា នេះថា ផែនទីខ្នាត ១/២០០០០០ គឺជាមូលដ្ឋានសំខាន់បំផុតក្នុងការវាស់វែងព្រំដែនជាមួយថៃ ព្រោះកិច្ចព្រមព្រៀងបារាំង-សៀមឆ្នាំ១៩០៤ និងឆ្នាំ១៩០៧ រួមទាំងអនុស្សរណៈនៃការយោគយល់គ្នាឆ្នាំ២០០០ (MOU2000) សុទ្ធតែពឹងផ្អែកទៅលើផែនទីខ្នាត ១/២០០០០០ នេះទាំងអស់៕

អ្នកនាំពាក្យរដ្ឋាភិបាលថៃ ប្រកែកថានាយករដ្ឋមន្ត្រីខ្លួនមិនបានទទួលស្គាល់ថាថៃឈ្លានពានទឹកដីកម្ពុជាឡើយ

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

រដ្ឋាភិបាលបញ្ចូលសាច់ញាតិយុទ្ធជនពលី និងរបួសធ្ងន់ ៤១នាក់ក្នុងក្របខ័ណ្ឌកងទ័ព

ថៃព្រមានថា ការលើកយកទំនាស់ព្រំដែនទៅឆាកអន្តរជាតិ អាចប៉ះពាល់ដល់ទំនាក់ទំនងជាមួយកម្ពុជា

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន