30 C
Phnom Penh

គណបក្ស​​​សង្គ្រោះ​​​ជាតិ​​​ចុះ​​​ទៅ​​​តំបន់​​​ក្បែរ​​​ព្រំដែន​​​ថៃ​​​តែ​​​ត្រូវ​​​មន្ត្រី​​​និ​​​ងក្រុម​​​​​​បុរស​​​ស្លៀក​​​​សីុវិល​​​រារាំង​​​

ដោយ ឌឹ ខេមបូឌា ដេលី

បទវិភាគ

ការខិតខំ​​​​​​របស់​​​លោក កឹម​​​ សុខា មេដឹក​​​នាំ​​​គណបក្ស​​​ប្រឆាំង​​​​​​ដើម្បី​​​ទៅ​​​ជួប​​​ជាមួយ​​​ពលករ​​​ខ្មែរ​​​ចំណាកស្រុក ដែល​​​ភៀស​​​ខ្លួន​​​ចេ​​ញ​​​ពីការ​​​បង្ក្រាប​លើ​​​ពល​​​ករ​​​ខុស​​​ច្បាប់​​​ក្នុង​​​ប្រទេស​​​ថៃ នៅ​​​ក្រុង​​​ប៉ោយ​​​ប៉ែត និង​​​ដើម្បី​​​ចែក​​​ប្រាក់​​​នោះ ​​​ត្រូវ​​​រារាំង​​​ដោយ​​​អាជ្ញាធរ​​​មូល​​​ដ្ឋាន​​​ ន​​ិង​​​ក្រុម​​​បុរស​​​​​គ្មា​​​ន​​​អត្ត​​​សញ្ញាណ ដែ​​​ល​​​​​​ស្រែក​​​ប្រមាថ និង​​​ដែល​​​គេ​​​សង្ស័យ​​​ថា បាន​​​គប់​​​ស៊ុត​​​ដាក់​​​ក្បួន​​​រថយន្ត​​​​​​របស់​​​លោក​​​ កឹម​​​ សុខា ។

​​​លោក កឹម​​​ សុខា មេដឹក​​​នាំ​​​គណបក្ស​​​ប្រឆាំង​​​​​ទទួលស្វាគមន៍​​​ពលករ​​​ខ្មែរ​​​ចំណាកស្រុក ដែល​​​ភៀស​​​ខ្លួនចេ​​ញ​​​ពី​​​ប្រទេស ​​​ថៃ នៅ​​​ក្រុង​​​ប៉ោយ​​​ប៉ែត កាល​ពីម្សិល​មិញ។ រូប​ទាញ​ពី​ទំព័រ​ហ្វេសបុករបស់លោក កឹម​​ សុខា​
​​​លោក កឹម​​​ សុខា មេដឹក​​​នាំ​​​គណបក្ស​​​ប្រឆាំង​​​​​ទទួលស្វាគមន៍​​​ពលករ​​​ខ្មែរ​​​ចំណាកស្រុក ដែល​​​ភៀស​​​ខ្លួនចេ​​ញ​​​ពី​​​ប្រទេស ​​​ថៃ នៅ​​​ក្រុង​​​ប៉ោយ​​​ប៉ែត កាល​ពីម្សិល​មិញ។ រូប​ទាញ​ពី​ទំព័រ​ហ្វេសបុករបស់លោក កឹម​​ សុខា​

ពលករ​​​ខ្មែរ​​​ចំណាកស្រុក​​​ប្រមាណ​​​២០០.០០០នាក់​​​បាន​​​​​​ឆ្លង​​​ព្រំដែន​​​កាល​​​ពី​​​ពីរ​​​សប្តាហ៍​​​កន្លង​​​មក​​​នេះ​​​ ដោយ​​​ខ្លាច​​​ទាហាន​​​ថៃ​​​ចាប់​​​ខ្លួន​​​ ចាប់​​​តាំង​​​ពី​​​កង​​​ទ័ព​​​ថៃ​​​បាន​​​​​​ទម្លាក់​​​រដ្ឋាភិបាល​​​ក្រុង​​​បាង​​​កក​​​កាល​​​ពី​​​ខែ​​​មុន​​​មក ហើយ​​​កម្មករ​​​ភាគ​​​ច្រើន​​​បាន​​​ឆ្លង​​​កាត់​​​ច្រក​​​ទ្វារ​​​អន្តរ​​​ជាតិ​​​ប៉ោយ​​​ប៉ែត​​​ ក្នុង​​​ខេត្ត​​​បន្ទាយ​​​មាន​​​ជ័យ​​​។

​​​ដោយ​​​មាន​​​ជំនួយ​​​ពីអង្គការ​​​ក្រៅ​​​រដ្ឋាភិបាល​​​ និង​​​អ្នក​​​ស្ម័គ្រ​​​ចិត្ត​​​នោះ រដ្ឋាភិបាល​​​បាន​​​ចាប់​ផ្ដើម​​​​ផ្តល់​​​ជំនួយ​​​មនុស្ស​​​ធម៌​​​នៅ​ច្រក​​​ទ្វារ​​​អន្តរ​​​ជាតិ​​​នេះ​​​ ដើម្បី​​​ជួយ​​​សម្រួល​​​ដល់​​​ការ​​​ភៀស​​​ខ្លួន​​​ដ៏​​​គំហុក​​​នេះ​​​ និង​​​ជួយ​​​ពល​​​ករ​​​ចំណាក​​​ស្រុក​​​ឲ្យ​​​បាន​​​ត្រឡប់​​​ទៅ​​​ស្រុក​​​កំណើត​​​របស់​​​ខ្លួន​​​វិញ​​​។

លោក កឹម សុខា អនុ​​​ប្រធាន​​​គណបក្ស​​​សង្គ្រោ​​​ះ​​​ជាតិ​​​បាន​​​ធ្វើ​​​ដំណើរ​​​ទៅ​​​ក្រុង​​​ប៉ោយ​​​ប៉ែត​​​ដោយ​​​សង្ឃឹម​​​ថា នឹង​​​បាន​​​ជួបសំណេះ​សំណាល​​​​ជាមួយ​​​ពលករ​​​ចំណាក​​​ស្រុក​​​​​​ និង​​​ចែក​​​ប្រាក់​​​ចំនួន​​​៣០.០០០​​​រៀល​​​ (ប្រហែល​​​៧,៥​​០​​​ដុល្លារ​​​) ដើម្បី​​​ជួយ​​​ឲ្យ​​​ពួក​​​គេ​​​បាន​​​ត្រឡប់​​​ទៅ​​​ស្រុក​​​កំណើត​​​វិញ​​​។

តែទោះ​​​ជា​​​យ៉ាង​​​ណា វីដេ​​​អូឃ្លីប​​​​​​​​​មួយ​​​​​​ដែល​​​ត្រូវ​​​បាន​​​បង្ហោះ​​​លើ​​​ទំព័រ​​​ហ្វេសប៊ុក​​​របស់​​​លោក សម រង្ស៊ី ប្រធាន​​​គណបក្ស​​​សង្គ្រោះ​​ជាតិ​​​បាន​​​បង្ហាញ​​​ឲ្យឃើញ​​​ថា កង​​​សន្តិសុខ​​​បាន​​​ប្រើ​​​ម៉ូតូ​​​​និង​​​របាំង​​​ដើម្បី​​​បិទ​​​ផ្លូវ​​​ និង​​​រារាំង​​​ក្បួន​​​រថយន្ត​​​របស់​​​លោក​​​ កឹម សុខា ។ វីដេ​​​អូឃ្លីប​​​នេះ​​​ក៏​​​បាន​​​​​​បង្ហាញ​​​ឲ្យ​​​ឃើញ​​​​​​ផង​​​ដែរ​​​ថា  លោក ឡុង​​​ រី សមាជិក​​​សភា​​​ជាប់​​​ឆ្នោត​​​របស់​​​គណបក្ស​​​សង្គ្រោះ​​​ជាតិ​​​មក​​​ពី​​​ខេត្ត​​​បន្ទាយ​​​មាន​​​ជ័យ និង​​​ជា​​​ប្រធាន​​​ផ្នែក​​​សន្តិសុខ​​​​​​របស់​​​​​​គណបក្ស​ប្រឆាំង​​​​​​​នេះ​ដែរ​​​នោះ ​​​​​​បាន​​​ស្នើ​​​សុំ​​​ការ​អនុញ្ញាត​ពី​លោក ងោ៉ ម៉េង​​​ជ្រួន អភិបាល​​ក្រុង​​​ប៉ោ​​​យ​​​ប៉ែត​​​ឲ្យពួក​​​គាត់​​​ចូល​​​ទៅ​​​តំបន់​​​ដែល​​​ពល​​​ករ​​​ចំណាក​​​ស្រុក​​​កំពុង​​​ជួប​​​ជុំ​​​គ្នា ប៉ុន្តែ​​​ មិន​​​បាន​​​សម្រេច​​​នោះ​​​ទេ។

លោក ឡុង​​​ រី បាន​​​មាន​​​ប្រសាសន៍​​​នៅ​​​ក្នុង​​​វីដេ​​​អូឃ្លីប​​​​​​នោះ​​​ថា “ខ្ញុំ​​​ចង់​​​ចូល​​​ទៅ​​​ដើម្បី​​​​​​ចង់​​​ដឹង​​​ការ​​​ពិត​​​ជាមួយ​​​​​​ឯកឧត្តម​​​ [ កឹម សុខា ]​​​​​​​​​​​​​​​​​​​​​​​​​​​​​​​​​​​​”។ លោក​​​អភិបាល​​​ក្រុង​​​ប៉ោ​យ​​​ប៉ែត​​​រូប​​​នេះ បាន​​​បដិសេធ​​​ការ​​​ស្នើ​​​សុំ​​​របស់​​​លោក ឡុង​​​ រី​​​ ហើយ​​​បាន​​​ប្រាប់​​​ពួកគាត់​​​ឲ្យទៅចែក​​​អំណោយ​​​នៅ​​​​​​ទី​​​ស្នាក់​​​ការ​​​គណបក្ស​​​​​​សង្គ្រោះ​​​ជាតិ​​​នៅ​​​ក្នុង​​​ខេត្ត​​​នោះ​​​វិញ​​​។

លោក ម៉េងជ្រួន បាន​​​ឆ្លើយ​​​តប​​​ថា “ក្នុង​​​នាម​​​ជា​​​អាជ្ញាធរ​​​មូល​​​ដ្ឋាន ​​​ខ្ញុំ​​​រីក​​​រាយ​​​ណាស់​​​ដែល​​​បាន​​​ឃើញ​​​អំណោយ​​​ ប៉ុន្តែ ដើម្បី​​​ចៀស​​​វាង​​​បញ្ហា​​​ដែល​​​អាច​​​ធ្វើ​​​ឲ្យ​​​ខូច​​​សណ្តាប់​​​ធ្នាប់​​​នោះ ការ​​​ចែក​​​អំណោយ​​គួរ​​​តែ​​​ធ្វើ​​​ឡើង​​​នៅ​​​ការ​​​ិយាល័យ [គណបក្ស​​​សង្គ្រោ​​​ះ​​​ជាតិ​​​]​​​​​​”។

បន្ទា​​​ប់​​​មក​​​លោក​​​បាន​​​អនុញ្ញាត​​​ឲ្យ​ក្បួន​​​រថយន្ត​​​បើកកាត់​​​តំបន់​​​នោះ​​​ ប៉ុន្តែ មិន​​​ឲ្យ​​​បង្អែបង្អង់​​​ ឬ​​​ក៏​​​ចែក​​​អំណោយ​​​នោះ​​​ទេ​​​​​​ ហើយ​​​វីដេអូ​​​ឃ្លីប​​​នេះ​​​ក៏​​​បាន​​​បង្ហាញ​​​ឲ្យ​​​ឃើញ​​​ពីពលករ​​​ចំណាក​​​ស្រុក​​​ដែល​​​ជិះ​​​​​​លើ​​​រថយន្ត​​​ចង់​​​ចាប់ដៃ​​​លោក​​​ កឹម សុខា ខណៈ​​​រថយន្ត​​​របស់​​​លោក​​​បើក​​​ឆ្លង​​​កាត់​​​យ៉ាង​​​យឺត​​​ៗ​​​ផង​​​ដែរ​​​។

ក្រុមបុរស​​​ស្លៀក​​​សីុវិល​​​​​​​​​ ដែល​​​នៅ​​​លើ​​​ទំព័រ​​​ហ្វេស​​​ប៊ុក​​​​​​ហៅ​​​ថា “​​​មនុស្ស​​​របស​​​់​​​គណបក្ស​​​ប្រជាជន​​​កម្ពុជា​​​”​​​ ត្រូវ​​​បាន​​​គេ​​​ឃើញ​​​ថា​​​បាន​​​ដេញ​​​តាម​​​ពី​​​ក្រោយ​​​ក្បួន​​​រថយន្ត​​​ ហើយ​​​ស្រែក​​​ឲ្យ​​​លោក កឹម សុខា “ចាក​​​ចេញ​​​ឆ្ងាយ​​​”។

លោក ឡុង រី បាន​​​មាន​​​ប្រសាសន៍​​​ពេល​​​ទាក់​​​ទង​​​តាម​​​ទូរស័ព្ទ​​​តាម​​​ក្រោយ​​​ថា ” គណបក្ស​​​សង្គ្រោះ​​​ជាតិ​​​ចង់​​​ផ្តល់​​​​​​ជំនួយ​​​មនុស្ស​​​ធម៌​​​ឲ្យ​​​ពលករ​​​ចំណាក​​​ស្រុក ខណៈ​​​ពួកគាត់​មក​​​ក្រុង​​​ប៉ោយ​​​ប៉ែត​​​ ហើយ​​​បន្ទាប់​​​មក​​​ទៀត​​​យើង​​​ចង់​​​ធ្វើ​​​ដំណើរ​​កម្សាន្ត​​​ក្នុ​​​ងក្រុង​​​នេះ​​។ ប៉ុន្តែ ប្រតិភូ​​​របស់​​​យើង​​​ត្រូវ​​​​​​បាន​​​រំខាន​​​ដោយ​​​ឧគ្ឃោសនសព្ទ និង​​​សីុ​​​ផ្លេ ដែល​​​ចេញ​​​ពី​​​រថយន្ត​​​យោធា​​​ និង​​​ការ​​​ស្រែក​​​ចេញ​​​ពី​​​ក្រុម​​​បុរស​​​ពាក់​​​អាវ​​​ខៀវ​​​”។

លោក ស៊ុម​​​ ចាន់គា អ្នក​​​​​​ឃ្លាំ​​​មើល​​​របស់​​​អង្គការ​​​អាដ​​​ហុក​​​ប្រចាំខេត្ត​​​បន្ទាយ​​​មាន​​​ជ័យ​​​​​​បាន​​​ឲ្យ​​​ដឹង​​​ថា រថយន្ត​​​មួយ​គ្រឿង​នៅ​​​ក្នុង​​​ក្បួន​​​របស់​​​គណបក្ស​​​សង្គ្រោះ​​​ជាតិ ដែល​​​មិន​​​មែន​​​ជា​​​រថយន្ត​​​របស់​​​លោក កឹម សុខា ក៏មាន​ប្រឡាក់​ថ្នាំ​​​ពណ៌ និ​​​ងស៊ុតផងដែរ ហើយ​​​បាន​​​តតាំង​ជាមួយ​រ៉ឺម៉ក​​​ម៉ូតូ​​​កង់​​​បី​​​ចំនួន​​​ពីរ​​​គ្រឿង​​​ ដែល​​​អ្នក​​​ដំណើរ​​​ក្នុង​រ៉ឺម៉ក​​នោះ​​ ​​បាន​​​លាបដា​ដែល​មាន​សរសេរ​ថា ការ​គាំទ្រ​ឥត​ងាក​រេ​របស់​ពល​រដ្ឋមូល​ដ្ឋាន​ចំពោះ​លោ​កនាយក​រដ្ឋមន្ត្រី ហ៊ុន សែន និង​ការ​ស្អប់​ចំពោះ​ “មនុស្ស​អាក្រក់​”។

លោក កែ សម្ផស្ស​​​ ទីប្រឹក្សា​​​​នៅគណបក្ស​​​សង្គ្រោះ​​​​​​ជាតិ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ប្រចាំ​​​ខេត្ត​​​បន្ទាយ​​​មាន​​​ជ័យ​​​បាន​​​លើកឡើង​​​ថា ការ​​​ខិត​​​ខំ​​​រារាំង​​​នោះ​​​ពិត​​​ជា​​​មាន​​​ការ​​​រៀបចំទុក​ជាមុន​។ លោក​​​បាន​​​មានប្រសាសន៍​​​ថា ” វា​​​មិន​​​មែន​​​កើត​​​ឡើង​​​ដោយ​​​ចៃដន្យ​​​ទេ​​​។ វា​​​ត្រូវបាន​​​រៀប​​​ចំ​​​ឡើង​​​​យ៉ាង​​​ល្អ​​​ដើម្បី​​​ប្រឆាំង​​​នឹង​​​ប្រតិ​​​ភូ​​​បក្ស​​​របស់​​​យើង។ ប្រតិភូ​​​របស់​​​យើង​​​ចង់​​​ចែក​​​​​​ប្រាក់​​​ខ្លះ​​​ ដើម្បី​ឲ្យ​​​​ពល​​​ករ​​​ចំណាក​​​ស្រុ​​​ក​​​អាច​​​មាន​​​​​​សោហ៊ុយ​​​ធ្វើ​​​ដំណើរ​​​ទៅ​​​ស្រុក​​​កំណើត​​​វិញ​​​​​​ ព្រោះ​​​រថយន្ត​​​​​​ដឹក​​​ពួកគេ​​​មក​​​ត្រឹម​​​ទី​​​រួម​​​ខេត្ត​​​ប៉ុណ្ណោះ ប៉ុន្តែ យើង​​​មិន​​​អាច​​​ធ្វើ​​​អ្វីបាន​​​ទេ​​​”។

ទាំង​​​លោក​​​ ម៉េង​​​​​​ជ្រួន និង​​​លោក​​​ គោស៊ុំ សារឿត​​​  អភិបាល​​​ខេត្ត​​​បន្ទាយ​​​មាន​​​ជ័យ​​​​​​មិន​​​អាច​​​ទាក់​​​ទង​​​សុំ​​​ការ​​​ធ្វើ​​​អត្ថាធិប្បាយ​​​បាន​​​ទេ​​​។ លោក​​​ អ៊ុំ សុផល ស្នង​​​ការ​​​នគរបាល​​​ក្រុង​​​បោ៉យ​​​ប៉ែត​​​បាន​​​ឲ្យ​​​ដឹង​​​ថា លោក​​​មិន​​​បាន​​​ដឹង​​​ថា អ្នក​ដែលគេ​ចោទ​ថា​​​​ជា​​​​​​ “មនុស្ស​​​​​​របស់​​​គណបក្ស​​​ប្រជា​​​ជនកម្ពុជា​​​” នេះជា​នរណាទេ​។

លោក​​​បានមាន​​​ប្រសាសន៍​​​ថា “យើង​​​មិន​​​ស្គាល់​មនុស្ស​​​ទាំង​​​នោះ​​​ទេ ។ ហើយ​​​មិន​​​ដឹង​​​ថា​តើ​ពួកគេ​ជា​មនុស្ស​គណបក្ស​ប្រជាជន​ ឬនរណា​ឲ្យ​ប្រាកដ​ទេ​ ​​​ដែល​​​និយាយ​​​រឿង​​​អាក្រក់ៗ​ ឬ​​​ដែល​​​ដេញ​​​ក្បួន​​​រថយន្ត​​​រ​​​បស់​​​លោក កឹម សុខា នោះ​​​”។

លោក សម រង្ស៊ី និ​​​ងលោក កឹម សុខា ដែល​​​ជួប​​​ការ​​​លំបាក​​​យ៉ាង​​​ខ្លាំង​​​ក្នុងការ​​​ចរចា​​​ជាមួយ​​​​​​គណបក្ស​​​ប្រជាជនកម្ពុជា ដើម្បី​​​បញ្ចប់​​​ការ​​​ធ្វើ​​​ពហិការ​​​មិន​​​ចូល​​​សភា​​​របស់​​​គណបក្ស​​​សង្គ្រោះ​​​ជាតិ​​​ដើម្បី​​​តវ៉ា​​​ប្រឆាំង​​​នឹង​​​ការ​​​បោះ​​​ឆ្នោត​​​ជាតិ​​​ដ៏​​​ចម្រូង​​​ចម្រាស​​​កាល​​​ពី​​​ឆ្នាំ​​​មុន​​​ ត្រូវ​​​នគរ​បាល​​​ និង​​​​​ក្រុម​​​បុរស​​​ស្លៀក​​​សីុវិល​​​​​​រារាំង​​​រាល់លើក​​​ចំពោះ​​​ការ​​​ធ្វើ​​​ដំណើរ​​​ទៅ​​​តាម​​​ខេត្ត​​​ក្នុង​​​ប៉ុន្មាន​​​សប្តាហ៍​​​ថ្មី​​​ៗ​​​នេះ​​​។

កាល​​​ពី​​​ដើម​​​ខែ​​​មិថុនា​​​ បុរស​​​មួយ​​​ក្រុម​​​បាន​​​បិទ​​​ផ្លូវ​​​ដោយ​​​ខុស​​​ច្បាប់​​​ ដើម្បី​​​រារាំង​​​មេដឹក​​​នាំ​​​ទាំង​​​ពី​​​រនេះ​​​មិន​​​ឲ្យ​​​ចុះ​​​ទៅ​​​តំបន់​​​ខ្លះ​​​ក្នុង​​​ខេត្ត​​​ឧត្តរមាន​​​ជ័យ​​​ រីឯ​​​នគរបាល​​​មូល​​​ដ្ឋាន​​​វិញ​​​មិន​​​អើ​​​ពើ​​​អ្វី​​​ឡើយ​​​។

កាល​​​ពីមួយ​ខែ​​​មុន កង​​​រាជ​​​អាវុធ​​​ហត្ថ​​​បាន​​​រារាំង​​​លោក សម រង្ស៊ី មិន​​​ឲ្យ​​​ចុះ​​​ទៅ​​​សួរ​​​សុខ​​​ទុក្ខ​​​សហ​​គមន៍​​​មួយ​​​នៅ​​​ភាគ​​​ឦសាន​​​នៃ​ខេត្ត​​​រតនគិរី​​​ដែល​​​មាន​​​វិវាទ​​​ដីធ្លី​​​ជាយូរ​​​មក​​​ហើយ​​​​​​ជាមួយ​​​ក្រុមហ៊ុន​​​កសិឧស្សាហកម្ម​​​ឡើយ​​​ ដោយ​លើក​ឡើង​ដើម្បី​​​សុវត្ថិភាព​​​ផ្ទាល់​​​ខ្លួន​​​របស់​​​មេដឹកនាំ​​​គណបក្ស​​​រូប​​​នេះ​​​៕គឹមហឿន​​​​​​​​​​​​​​​​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស