28 C
Phnom Penh

ផែន​​​ទី​​​ថ្មី​​​បង្ហាញ​​​ថា ​​​មាន​​​ការ​​​​​​បាត់​​​បង់​​​​​​ព្រៃឈើ​​​យ៉ាង​​​ច្រើន​​​​​​ក្នុង​​​ឆ្នាំ​​​២០១៣

ដោយ ឌឹ ខេមបូឌា ដេលី

បទវិភាគ

ផែន​​​ទី​​​​​​ទើប​​​តែ​​​ចេ​​​ញ​​​ថ​​​្មី​​​ដោយ​​​ប្រើ​​​ទិន្នន័យ​​​ពី​​​ផ្កាយ​​​រណប​​​របស់​​​សហរដ្ឋ​​​អាមេរិក​​​បង្ហាញ​​​ថា ប្រទេសកម្ពុជា​​​នៅ​​​តែ​​​បន្ត​​​កើត​​​មាន​​​ការ​​​កាប់​​​បំផ្លាញ​​​ព្រៃ​​​ឈើ​​​ដ៏​​​គួរ​​​ឲ្យកត់​​​សម្គាល់​​​នៅ​​​ក្នុង​​​ឆ្នាំ​​​២០១៣​​​ ដោយ​​​ការ​​​កាប់​​​បំផ្លាញ​​​ភាគ​​​ច្រើន​​​បាន​​​កើត​​​ឡើង​​​នៅ​​​ក្នុង​​​តំបន់​​​ព្រៃ​​​ការពារ​​​ និង​​​ដែន​​​ជម្រក​​​សត្វ​​​ព្រៃ​​​។

ផែនទី​នេះ​បង្ហាញ​ពី​ការ​បាត់បង់​ព្រៃឈើ​ចន្លោះ​ឆ្នាំ២០០០​ដល់​​ឆ្នាំ២០១៣​។ ពណ៌​ក្រហម​បង្ហាញ​ការ​បាត់​បង់​ក្នុុង​ឆ្នុាំ២០១៣​ ពណ៌​លឿង​បង្ហាញការបាត់​បង់​ក្នុងឆ្នាំ២០០០​ ហើយពណ៌​ទឹក​ក្រូច​បង្ហាញ​ពីការ​បាត់​បង់​ពីរ​ឆ្នាំកន្លង​មក​។ University of Maryland​
ផែនទី​នេះ​បង្ហាញ​ពី​ការ​បាត់បង់​ព្រៃឈើ​ចន្លោះ​ឆ្នាំ២០០០​ដល់​​ឆ្នាំ២០១៣​។ ពណ៌​ក្រហម​បង្ហាញ​ការ​បាត់​បង់​ក្នុុង​ឆ្នុាំ២០១៣​ ពណ៌​លឿង​បង្ហាញការបាត់​បង់​ក្នុងឆ្នាំ២០០០​ ហើយពណ៌​ទឹក​ក្រូច​បង្ហាញ​ពីការ​បាត់​បង់​ពីរ​ឆ្នាំកន្លង​មក​។ University of Maryland​

កាល​​​ពី​​​ខែ​​​វិច្ឆិកា ឆ្នាំ​​​២០១៣​​​ សាកល​​​វិទ្យាល័យ​​​ Maryland បាន​​​ចេញ​​​នូវ​​​អ្វ​​​ី​​​ដែល​​​ខ្លួន​​​ហៅ​​​ថា​​​ជា​​​ការ​​​សិក្សា​​​លើក​​​ដំបូង​​​អំពី​​​ការ​​​បាត់​​​បង់​​​ព្រៃ​​​ឈើ​​​​​​នៅ​​​ទូទាំង​​​ពិភព​​​លោក​​​ដោយ​​​ប្រើ​​​រូប​​​ភាព​​​កម្រិត​​​ច្បាស់​​​របស់​​​ខ្លួន​​​។ ការ​​​វិភាគ​​​លើ​​​ទិន្នន័យ​​​ដែល​​​ទទួល​​​បាន​​​ពី​​​ផ្កាយ​​​រណប​​​ចាប់​​​ពី​​​ឆ្នា​​​ំ​​​២០០០​​​ដល់​​​ឆ្នាំ​​​២០១២​​​ បាន​​​បង្ហាញ​​​ឲ្យ​​​ឃើញ​​​ថា ប្រទេស​​​កម្ពុជា​​​​​​បាន​​​បាត់​​​បង់​​​ព្រៃ​​​ឈើ​​​៧,១ភាគ​​​រយ​​​នៃ​​​ព្រៃ​​​ឈើ​​​ដែល​​​កម្ពុជា​​​នៅ​​​សេសសល់​​​កាល​​​ពី​​​មួយ​​​ទសវត្សរ៍​​​កន្លង​​​ទៅ​​​នេះ។

ផែន​​​ទី​​​ថ្មី​​​ដែល​​​ចេញ​​​​​​ដោយ​​​សាកល​​​វិទ្យាល័យ​​​នេះ​​​នៅ​​​ក្នុង​​​សប្តាហ៍​​​នេះ​​​ដោយ​​​សិក្សា​​​ពី​​​​​​ព្រៃឈើ​​​នៅ​​​ក្នុង​​​ឆ្នាំ​​​២០១៣​​​ បង្ហាញ​​​ថា ការ​​​កាប់​​​បំផ្លាញ​​​ព្រៃ​​​ឈើ​​​នៅ​​​ក្នុង​​​ប្រទេស​​​កម្ពុជា មិន​​​ទាន់​​​ថយ​​​ចុះ​​​នៅ​​​ឡើយ​​​ទេ ហើយ​​​ប្រហែល​​​ជា​​​អាច​​​កើន​​​ឡើង​​​ផង​​​ក៏​​​អាច​​​ថា​​​បាន​​​។

លោក​​​ ម៉ាស៊ូ ពេលឡេរីន (Mathieu Pellerin) អ្នក​​​ផ្តល់​​​ប្រឹក្សា​​​យោបល់​​​ស្តី​​​អំពី​​​បញ្ហា​​​ដីធ្លី​​​នៅ​​​អង្គការ​​​សិទ្ធិ​​​មនុស្ស​​​លីកាដូ​​​​​​បាន​​​ចាត​​​់ទុក​​​ការ​​​កាប់​​​បំផ្លាញ​​​ព្រៃ​​​ឈើ​​​នៅ​​​ក្នុង​​​ឆ្នាំ​​​២០១៣​​​ ដែល​​​បង្ហាញ​​​ដោយ​​​ផែនទី​​​នេះ​​​​​ថា​​​ជា​​​ការ​​​កាប់​​​បំផ្លាញ​​​ “ដ៏​​​គួរ​​​ឲ្យ​​​ភ្ញាក់​​​ផ្អើល​​​យ៉ាង​​​ខ្លាំង”។

ដោយ​​​ប្រើ​​​ទិន្នន័យ​​​ពី​​​ផ្កាយ​​​រណប​​​ហើយ​​​ត្រូវ​​​បាន​​​បង្ហោះ​​​តាម​​​អីុនធើណិត​​​ ផែន​​​ទី​​​នេះ​​​បង្ហាញ​​​ឲ្យ​​​ឃើញ​​​ថា មាន​​​ការ​​​កាប់​​​បំផ្លាញ​​​ព្រៃ​​​ឈើ​​​ដ៏​​​គួរ​​​ឲ្យកត់​​​សម្គាល់​​​នៅ​​​ទូទាំង​​​ប្រទេសកម្ពុជា​​​​​​ ទោះ​​​បី​​​ជា​​​​​​ប្រៀប​​​ធៀប​​​ទៅ​​​នឹង​​​ការ​​​កាប់​​​បំផ្លាញ​​​យ៉ាង​​​​​​ខ្លាំង​​​ អំឡុង​​​​​​​​​​​​១២​​​ឆ្នាំ​​​មុន​​​ក៏​​​ដោយ​​​។

ការ​​​កាប់​​​បំផ្លាញ​​​ព្រៃ​​​ឈើ​​​ក្នុង​​​ពេល​​​ថ្មី​​​ៗ​​​គឺ​​​កើត​​​ឡើង​​​ភាគ​​​ច្រើន​​​នៅ​​​តំបន់​​​ដែល​​​ធ្លាប់​​​មាន​​​ការ​​​កាប់​​បំផ្លាញ​​​​​​ព្រៃឈើ​​​ពីមុន​​មក​​​ ដោយ​​​ភាគ​​​ច្រើន​​​កើត​​​ឡើង​​​នៅ​​​តំបន់​​​ភាគ​​​កណ្តាល​​​នៃ​​​ប្រទេស​​​កម្ពុជា​​​ ពោល​​​គឺ​​​លាត​​​សន្ធឹង​​​ពី​​​ខេត្ត​​​ព្រះ​​​វិហារ​​​ នៅ​​​ភាគ​​​ខាង​​​ជើង​​​ឆ្លង​​​កាត់​​​​​​ខេត្ត​​​កំពង់​​​ធំ​​​ និង​​​ខេត្ត​​​កំពង់​​​ចាម​​​​​​ទៅ​​​កាន់​​​ខេត្ត​​​ក្រចេះ​​​នៅ​​​ភាគ​​​អាគ្នេយ៍​​​។​​​ការ​​​កាប់​​​បំផ្លាញ​​​ព្រៃ​​​ឈើ​​​ក្នុង​​​ពេល​​​ថ្មី​​​ៗ​​​នេះ​​​ក៏​​​កើត​​​មាន​​​នៅ​​​ភាគ​​​ខាង​​​លិច​​​ក្បែរ​​​ព្រំដែន​​​ថៃ​​​​​​ និង​​​តាម​​​តំបន់​​​ដង​​​​​​ទន្លេ​​​មេគង្គ​​​ទាំង​​​សង​​​ខាង​​​​​​​​​​​​ ព្រម​​​ទាំង​​​តំបន់​​​ជុំ​​​វិញ​​​ក្រុង​​​ស្ទឹង​​​ត្រែង​​​ និង​​​នៅ​​​ខេត្ត​​​រតនគិរី​​​ភាគ​​​ឦសាន​​​ប្រទេស​​​ផង​​​ដេរ។

ផែន​​​ទី​​​នេះ​​​ក៏​​​បង្ហាញ​​​ឲ្យ​​​ឃើញ​​​ថា ​​​ព្រៃឈើ​​​ក៏​​​មាន​​​ការ​​​បាត់​​​បង់​​​នៅ​​​ក្នុង​​​ដែន​​​ជម្រក​​​សត្វ​​​ព្រៃ​​​ និង​​​ឧទ្យាន​​​ជាតិ​​​ក្នុង​​​ប្រទេស​​​កម្ពុជា​​​ផង​​​ដែរ។

ការ​​​កាប់បំផ្លាញ​​​ព្រៃ​​​ឈើ​​​យ៉ាង​​​​​​ច្រើន​​​ត្រូវ​​​បាន​​​គេ​​​ឃើញ​​​ថា កើត​​​មាន​​​យ៉ា​​​ងខ្លាំង​​​​​​នៅក្នុង​​​​​​ដែន​​​ជម្រក​​​សត្វព្រៃ​​​បឹង​​​ពែ​​​ ភាគឦសាន​​​បឹង​​​ទន្លេ​​​សាប នៅ​​​ក្នុង​​​ដែន​​​ជម្រក​​​សត្វព្រៃ​​​គូលែន​​ព្រហ្ម​​​​​​ទេព​​​ដែល​​​ស្ថិត​​​នៅ​​​ភាគ​​​ខាង​​​ជើង និង​​​នៅ​​​ក្នុង​​​​​​តំបន់​​​អភិរក្ស​​​​​​​​​​​​​​​​​​​​​ជីវៈ​​​ចម្រុះ​​​​​​ស្នួល​​​សីមា​​​ ដែល​​​ស្ថិត​​​នៅ​​​ភាគ​​​ខាង​​​កើត​​​ប្រទេស។

ទោះ​​​បី​​​ជា​​​សាកលវិទ្យាល័យ​​​ Maryland មិន​​​បាន​​​ផ្តល់​​​ទិន្នន័យ​​​នៃ​​​ការ​​​ប្រែ​​​ប្រួល​​​​​​ព្រៃឈើ​​​នៅ​​​ក្នុង​​​ប្រទេស​​​នីមួយៗ​​​ក៏​​​ដោយ​​​ តែ​​​សាកលវិទ្យាល័យ​​​នេះ​​​បាន​​​បង្ហាញ​​​ទិន្នន័យ​​​មិន​​​ទាន់​​​វិភាគ​​​សម្រាប់​​​ភព​​​ផែន​​​ដី​​​ទាំង​​​មូល​​​។

លោក​​​ ពេលឡេរីន ដែល​​​ជា​​​អ្នក​​​វិភាគ​​​ទិន្នន័យ​​​មិន​​​ទាន់​​​វិភាគ​​​នេះ​​​បាន​​​លើក​​​ឡើង​​​ថា វា​​​បង្ហាញ​​​ឲ្យ​​​ឃើញ​​​យ៉ាង​​​ច្បាស់​​​ថា ការ​​​កាប់​​​បំផ្លាញ​​​​​​ព្រៃឈើ​​​យ៉ាង​​​ច្រើន​​​នា​​​ពេល​​​ថ្មី​​​ៗ​​​នៅ​​​តែ​​​កើត​​​មាន​​​ក្នុង​​​តំបន់​​​​ដី​​​សម្បទាន​​​សេដ្ឋ​​​កិច្ច​​​​​​​​​ ដែល​​​ស្ថិត​​​ក្នុង​​​តំបន់​​​ការ​​​ពារ​​​ និង​​​ដែល​​​រដ្ឋាភិបាល​​​បាន​​​ផ្តល់​​​សិទ្ធិ​​​កាន់​​​កាប់​​​ទៅ​​​ឲ្យ​​​ក្រុម​​​ហ៊៊ុន​​​ឯកជន​​​មួយ​​​ចំនួន។

លោក​​​បាន​​​លើក​​​ឡើង​​​ទៀត​​​ថា យោង​​​តាម​​​ទិន្នន័យ​​​មិន​​​ទាន់​​​​​​វិភាគ​​​នេះ​​​​​​ ប្រទេស​​​កម្ពុជា​​​​​​បាន​​​បាត់​​​បង់​​​ព្រៃ​​​ឈើ​​​ក្នុង​​​ទំហំ​​​២.១៣២គីឡូម៉ែត្រ​​​ក្រឡា​​​នៅ​​​ក្នុង​​​ឆ្នាំ​​​២០១៣​​​ ពោល​​​គឺ​​​ជិត​​​១៧​​​ភាគ​​​រយ​​​នៃ​​​ព្រៃ​​​ដែល​​​បាន​​​បាត់​​​បង់​​​ក្នុង​​​ទំហំ១២.៥៩៤​​​គីឡូម៉ែត្រ​​​ក្រឡា​​​ កាល​​​ពី​​​ទសវត្សរ៍​​​មុន​​​។

លោក​​​ ពេល​​​ឡេរីន បាន​​​បន្ថែម​​​ទៀត​​​ថា​​​ ហើយ​​​ក្នុង​​​ចំណោម​​​​​​ព្រៃឈើ​​​ដែល​​​បាន​​​បាត់​​​បង់​​​ទំហំ​​​២.១៣២គីឡូម៉ែត្រ​​​ក្រឡា កាល​​​ពី​​ឆ្នាំ​​​២០១៣​​​នេះ​​​ គឺ​​​មាន​​​ជាង​​​ពាក់​​​កណ្តាល​​​ [១.០៩០គីឡូម៉េត្រ​​​ក្រឡា] បាន​​​កើត​​​ឡើង​​​នៅ​​​ក្នុង​​​ដី​​​សម្បទាន។

លោក​​​បាន​​​មានប្រសាសន៍​​​ថា “នេះ​​​មាន​​​ន័យ​​​ថា​​​ រដ្ឋាភិបាល​​​នឹង​​​អាច​​​ទប់​​​ស្កាត់​​​ការ​​​កាប់​​​បំផ្លាញ​​​​​​ព្រៃឈើ​​​បាន​​​ចំនួន​​​៥១​​​ភាគ​​​រយ​​​ក្នុង​​​ឆ្នាំ​​​២០១៣ ប្រសិនបើ​​​ខ្លួន​​​មិន​​​បាន​​​ផ្តល់​​​ដី​​​សម្បទាន​​​ដែល​​​ស្ថិត​​​នៅ​​​ក្នុង​​​តំបន់​​​ការ​​​ពារ​​​ទៅ​​​ឲ្យ​​​ក្រុមហ៊ុន​​​ឯកជន​​​​​​នោះ​​​។ នេះ​​​គឺ​​​ជា​​​ចំនួន​​​ដ៏​​​ច្រើន​​​​​​​​​​​​​​​​​​”។

លោក​​​បាន​​​លើក​​​ឡើង​​​ទៀត​​​ថា ផែន​​​ទី​​​ថ្មី​​​នេះ​​​ក៏​​​បង្ហាញ​​​ឲ្យ​​​ឃើញ​​​ពីការ​​​កាប់​​​បំផ្លាញ​​​​​​ព្រៃឈើ​​​ដែល​​​រាល​​​ដាល​​​ពី​​​ក្នុង​​​តំបន់​​​ដី​​​សម្បទាន​​​ទៅ​​​ខាង​​​ក្រៅ​​​ព្រំប្រទល់​​​​​​នៃ​​​ដី​​​សម្បទាន​​​​​​ទាំង​​​នោះ​​​ផង​​​ដែរ​​​។

ច្បាប់​​​របស់​​​ប្រទេស​​​កម្ពុជា​​​ គឺ​​​ហាម​​​មិន​​​ឲ្យ​​​អ្នក​​​ដែល​​​ទទួល​​​បាន​​​សិទ្ធិ​​​កាន់​​​កាប់​​​ដី​​​សម្បទាន​​​កាប់​​​​​​ឈើ​​​​​​ល្អៗ​​​ នៅ​​​ក្នុង​​​ព្រំ​​​ប្រទល់​​​នៃ​​​ដី​​​សម្បទាន​​​ដែល​​​រដ្ឋាភិបាល​​​ផ្តល់​​​ឲ្យ​​​ឡើយ​​​។ នៅ​​​ពេល​​​ក្រុមហ៊ុន​​​កាប់​​​ឈើ​​​នៅ​​​ក្នុង​​​ដី​​​សម្បទាន​​​ រដ្ឋាភិបាល​​​តែង​​​តែ​​​ការ​​​ពារ​​​ពួក​​​គេ​​​ដោយ​​​អះ​​​អាង​​​ថា ឈើ​​​ទាំង​​​នោះ​​​គឺ​​​ជា​​​ឈើ​​​កាប់​​​រួច។ ហើយ​​​​​​សូម្បី​​​តែ​​​​​​​​​​​​ព្រៃ​​​ការពារ​​​ក៏​​​ដោយ​​​ ក៏​​​មាន​​​ការ​​​កាប់​​​បំផ្លាញ​​​ដែរ​​​។

ត​ួលេខ​​​នៃ​​​ការ​​​កាប់​​​បំផ្លាញ​​​ព្រៃ​​​ឈើ​​​ដែល​​​ចេញ​​​កាល​​​ពី​​​ឆ្នាំ​​​២០១៣​​​ ដោយ​​​សាកល​​​វិទ្យាល័យ​​​ Maryland បង្ហាញ​​​ថា ជាង​​​២ភាគ​​​៣​​​នៃការ​​​បំផ្លាញ​​​​​​ព្រៃឈើ​​​អំឡុង​​​ទសវត្សរ៍​​​មុន​​​ គឺ​​​កើត​​​ឡើង​​​នៅ​​​ក្នុង​​​តំបន់​​​ព្រៃ​​​ស្តុក​​​។

តួលេខ​​​នៃ​​​ការ​​​កាប់​​​បំផ្លាញ​​​​​​​​​ព្រៃឈើ​​​នៅ​​​ក្នុង​​​ប្រទេស​​​កម្ពុជា​​​ដែល​​​ចេញ​​​ដោយ​​​សាកលវិទ្យាល័យ​​​នេះ​​​ មាន​​​ការ​​​ខុស​​​គ្នា​​​គួរ​​​ឲ្យ​​​កត់​​​សម្គាល់​​​ពី​​​តួលេខ​​​របស់​​​រដ្ឋាភិបាល។

រដ្ឋាភិបាល​​​បាន​​​អះ​​​អាង​​​ថា ប្រទេស​​​កម្ពុជា​​​បាន​​​បាត់​​​បង់​​​ព្រៃឈើ​​​ត្រឹម​​​តែ​​​០.៥​​​ភាគ​​​រយ​​​ប៉ុណ្ណោះ​​​នៃ​​​​​​ព្រៃឈើ​​​ដែល​​​ខ្លួន​​​នៅ​​​សេស​​​សល់​​​ចន្លោះ​​​ពី​​​ឆ្នាំ​​​២០០២​​​ដល់​​ឆ្នាំ​​​២០០៦។​​​ រដ្ឋាភិបាល​​​បាន​​​លើក​​​ឡើង​​​ទៀត​​​ថា នៅ​​​ក្នុង​​​ឆ្នាំ​​​២០១០​​​ មាន​​​តែ​​​ព្រៃឈើ​​​២ភាគ​​​រយ​​​ប៉ុណ្ណោះ​​​បាត់​​​បង់​​​ចាប់​​​តាំង​​​ពី​​​ឆ្នាំ​​​២០០៦​​​មក។

លោក ឆេង គឹមស៊ុន ប្រធាន​​​រដ្ឋាបាល​​​ព្រៃ​​​ឈើ​​​នៅ​​​ក្រសួង​​​កសិកម្ម​​​បាន​​​លើក​​​ឡើង​​​កាល​​​ពីម្សិលមិញ​​​ថា ​​​ទាំង​​​នោះ​​​គឺ​​​គ្រាន់តែ​​​ជា​​​តួលេខ​​​​​​ថ្មីៗ​​​បំផុត​​​របស់​​​រដ្ឋាភិបាល​​​ប៉ុណ្ណោះ។ លោក​​​បាន​​​មាន​​​ប្រសាសន៍​​​ថា រដ្ឋាភិបាល​​​​​​​​​​​​​​​កំពុង​​​ប្រមូល​​​ទិន្នន័យ​​​ពី​​​ផ្កាយ​​​រណប​​​ដោយ​​​ខ្លន​​​ឯង​​​ ហើយ​​​ថា តួ​​​លេខ​​​ថ្មី​​​អាច​​​ត្រូវ​​​បាន​​​បង្ហាញ​​​នៅ​​​ក្នុង​​​ឆ្នាំ​​​២០១៦។

លោក គឹមស៊ុន បាន​​​លើក​​​ឡើង​​​ទៀត​​​ថា លោក​​​មិន​​​បាន​​​ឃើញ​​​ទិន្នន័យ​​​របស់​​​សាកល​​​វិទ្យាល័យ​​​ Maryland ឡើយ​​​។ លោក​​​មិន​​​បាន​​​ច្រាន​​​ចោល​​​ទាំងស្រុង​​​នៃ​​​តួ​​​លេខ​​​អំពី​​​ការ​​​កាប់​​​បំផ្លាញ​​​ព្រៃឈើ​​​របស់​​​សាកលវិទ្យាល័យ​​​នេះ​​​ឡើយ​​​ ប៉ុន្តែ លោក​​​បាន​​​ជំទាស់​​​ថា តើ​​​សាកលវិទ្យាល័យ​​​នេះ​​​ធ្វើ​​​ការ​​​វិវាគ​​​នៃ​​​ការ​​​កាប់​​​បំផ្លាញ​​​ព្រៃ​​​ឈើ​​​តាម​​​វិធី​​​ណា​​​ ហើយ​​​ការ​​​បាត់​​​បង់​​​ព្រៃ​​​ឈើ​​​ គឺ​​​វា​​​អាស្រ័យ​​​តែ​​​ទៅ​​​លើ​​​​​​ការ​​​ឲ្យ​​​និយម​​​ន័យ​​​របស់​​​សាកលវិទ្យាល័យ​​​នេះ​​​តែ​​​ប៉ុណ្ណោះ​​​។ លោក​​​បាន​​​លើក​​​ឡើង​​​បន្ថែម​​​ទៀត​​​ថា ​​​មាន​​​ការ​​​ឲ្យ​​​និយម​​​ន័យ​​​​​​​​​​​​ដល់​​​ទៅ​​​ជាង​​​២០០​​​ឯណោះ​​​ទូទាំង​​​ពិភព​​​លោក​​​ទាក់​​​ទិន​​​បញ្ហា​​​នេះ។ លោក​​​បាន​​​មាន​​​ប្រសាសន៍​​​ថា “វា​​​អាស្រ័យ​​​លើ​​​ប្រទេស អាស្រ័យ​​​ក្រុមអង្គការ​​ និង​​​អាស្រ័យ​​​លើ​​​អ្នកនយោបាយ”។

រដ្ឋាភិបាល​​​បាន​​​អះអាង​​​ថា ផ្ទៃ​​​ដី​​​ចំនួន​​​៥៧​​​,១ភាគ​​​រយ​​​នៃ​​​ប្រទេស​​​កម្ពុជា​​​ គឺ​​​គ្រប​​​ដណ្តប់​​​ដោយ​​​​​​ព្រៃឈើ​​​ ប៉ុន្តែ ការ​​​អះ​​​អាង​​​នេះ​​​បូក​​​រួម​​​ទាំង​​​ចម្ការកៅស៊ូ​​​ដ៏​​​ធំ​​​ល្វីង​​​ល្វើយ​​​ដែល​​​ក្រុម​​​អ្នក​​​អភិរក្ស​​​​​​​​​មិន​​​​​​ចាត់​​​ទុក​​​ថា​​​ជា​​​​​​ព្រៃឈើ ព្រោះ​​​ខ្វះ​​​ជីវៈ​​​ចម្រុះ​​​ផង​​​ដែរ៕ស៊ុយឈាង​​​​​​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស