34 C
Phnom Penh

វាលពិឃាដ​​​របស់​​​វេជ្ជបណ្ឌិត ​​​ង៉ោ

ដោយ ឌឹ ខេមបូឌា ដេលី

បទវិភាគ

លោក ហាំង ង៉ោ ​​​​​​ដើរ​​​តួ​​​ក្នុង​​​រឿង 'វាល​​​ពិឃាដ'​​​។ រូបថតៈ​ មូលនិធិ ហាំង ង៉ោ
លោក ហាំង ង៉ោ ​​​​​​ដើរ​​​តួ​​​ក្នុង​​​រឿង ‘វាល​​​ពិឃាដ’​​​។ រូបថតៈ​ មូលនិធិ ហាំង ង៉ោ

ខ្សែ​​​ភាព​​​យន្ត​​​ថ្មី​​​​​​រៀប​​​រាប់​​​អំពី​​​ឆាក​​​​​​ជីវិត​​​និង​​​​​​មរណភាព​​​នៃ​​​អ្នក​​​រស់​​​រាន​​​មាន​​​ជីវិត​​​ពី​​​របប​​​ខ្មែរ​​​ក្រហម​​​​​​និង​​​ជ័យលាភី​​​រង្វាន់​​​អូស្កា លោក ហាំង ង៉ោ

​​​​​​​​​​​​​នៅ​​​ថ្ងៃ​​​ទី​​​២៨​​​ ខែកុម្ភៈ ឆ្នាំ​​​១៩៩៦ លោក ហាំង ង៉ោ អ្នក​​​រស់​​​រានមាន​​​​​​ជីវិត​​​ពី​​​របប​​​ខ្មែរ​​​ក្រហម ដែល​​​មាន​​​កេរ្តិ៍​​​ឈ្មោះ​​​បោះ​​​សំឡេង​​​នៅ​​​ក្នុង​​​តួសម្តែង​​​ទទួលបាន​​​​​​ជ័យ​​​លាភីអូស្កា​​​នៅ​​​ក្នុង​​​រឿង​​​ដែល​​​មាន​​​ចំណង​​​ជើង​​​ថា “វាល​​​ពិឃាដ” ត្រូវ​​​បាន​​​គេ​​​បាញ់​​​ស្លាប់​​​នៅ​​​ខាង​​​ក្រោយ​​​​​​គេហដ្ឋាន​​​របស់​​​លោក​​​ក្នុង​​​ក្រុង​​​ឡូស អានហ្ជេលឡិស។ ពីរ​​​ឆ្នាំ​​​ក្រោយ​​​មក​​​ សមាជិក​​​បី​​​នាក់​​​នៃ​​​ក្រុម​​​ជើង​​​កាង​​​”អូរៀនថល ឡេហ្ស៊ី ប៊យហ្ស៍”​​​ ត្រូវ​​​បាន​​​រក​​​ឃើញ​​​ថា​​​មាន​​​ទោស​​​ពី​​​បទ​​​សម្លាប់​​​លោកវេជ្ជ​​​បណ្ឌិត​​​​​​ដែល​​​ក្លាយ​​​ជា​​​តួកុន​​​ក្នុង​​​ពេល​​​មាន​​​អំពើ​​​​​​ប្លន់​​​មួយ​​​មិន​​​បាន​​​សម្រេច។

ប៉ុន្តែ​​​បើក​​​មើល​​​កាសែត​​​ពេល​​​ព្រឹក​​​​​​នៅ​​​ឯ​​​គេហដ្ឋាន​​​ក្រុង​​​ឡូស អាន​​​ហ្ជេលឡិស​​​របស់​​​លោក​​​ក្នុង​​​ខែ​​​មករា ឆ្នាំ​​​២០១០  លោក អ័រហ្ស៊ឺ ដុង ផលិតករ​​​ខ្សែ​​​ភាព​​​យន្ត​​​ ​​​បាន​​​ប្រទះ​​​ឃើញ​​​អត្ថ​​​បទ​​​មួយ​​​ស្តី​​​ពី​​​តុលាការ​​​ខ្មែរ​​​ក្រហម​​​ ដែល​​​ក្នុង​​​នោះ អតីត​​​​​​ប្រធាន​​​មន្ទីរ​​​សន្តិសុខ​​​ស-២១ គឺ​​​កាំង ហ្កេកអ៊ាវ ហៅ​​​ឌុច បាន​​​ផ្តល់​​​នូវ​​​ការពន្យ​​​ល់​​​ខុស​​​គ្នា​​​ទៅ​​​លើ​​​មរណភាព​​​របស់​​​លោក​​​វេជ្ជ​​​បណ្ឌិតនោះ​​​​​​។

លោក ឌុច​​​ បាន​​​ប្រាប់​​​តុលាការ​​​​​​កាល​​​ពី​​​ខែ​​​វិច្ឆិកា ឆ្នាំ​​​២០០៩​​​ថា “ហាំង ង៉ោត្រូវ​​​បាន​​​គេ​​​សម្លាប់​​​ ពី​​​ព្រោះ​​​គាត់​​​សម្តែង​​​រឿង’វាល​​​ពិឃាដ’ ហើយ​​​គេ​​​ចង់​​​សម្លាប់​​​ខ្ញុំ​​​និង​​​ប្រពន្ធ​​​ខ្ញុំ​​​​​​ដើម្បី​​​បិទ​​​មាត់​​​យើង”។​​​​​​​​​​​​​​​

ដោយ​​​ធ្វើ​​​ឲ្យ​​​ចាប់​​​អារម្មណ៍​​​ដោយ​​​ការ​​​អះ​​​អាង​​​របស់​​​ឌុច លោក ដុង​​​ បាន​​​ស្រាវ​​​ជ្រាវ​​​ទៅ​​​ក្នុង​​​ស្វ័យ​​​ជីវ​​​ប្រវត្តិរបស់លោក ​​​ហាំង ង៉ោ​​​ ដែល​​​មាន​​​ចំណង​​​ជើង​​​ថា”ការ​​​រស់​​​រាន​​​មាន​​​ជីវិត​​​​​​ពី​​​របប​​​វាល​​​ពិឃាដ” ដែល​​​មាន​​​កក​​​ធូលីនៅ​​​លើ​​​ធ្នើរ​​​​​​ក្នុង​​​ផ្ទះ​​​របស់​​​លោក។ ដោយ​​​ជក់​​​​​​ចិត្ត ផលិតករ​​​ភាព​​​យន្ត​​​រូប​​​នេះ​​​បាន​​​សម្រេច​​​ចិត្ត​​​ផលិត​​​ភាពយន្ត​​​ឯកសារ។​​​​​​​​​​​​​​​

លោក ដុង​​​ បាន​​​មាន​​​ប្រសាសន៍​​​ក្នុង​​​កិច្ច​​​សម្ភាស​​​មួយ​​​កាល​​​ពី​​​ដើម​​​ខែ​​​នេះ​​​ថា “ខ្ញុំ​​​ចង​​​ចាំ​​ឃាតកម្ម​​​​​​នោះ និង​​​អ្វីដែល[ឌុច]​​​បាន​​​និយាយ​​​គឺ​​​បដិសេធ​​​ជំនឿ​​​នោះ​​​ទាំង​​​ស្រុង ហើយ​​​ខ្ញុំ​​​រស់​​​នៅ​​​មិន​​​ឆ្ងាយ​​​ពី​​​ក្រុង​​​ឡុងប៊ិច​​​ទេ ដែល​​​ជា​​​ក្រុង​​​ខ្មែរ ហើយ​​​មាន​​​ការកើត​​​ទុក្ខ​​​ក្នុង​​​សហគមន៍​​​ ប៉ុន្តែ​​​ពួក​​​គេ​​​មិន​​​ដែល​​​និយាយ​​​ជា​​​សាធារណៈ​​អំពី​​​រឿង​​​នោះ​​​ទេ ហើយ​​​ពិត​​​ជា​​​ជាប់​​​ចិត្ត​​​នឹង​​​ស្ថានការណ៍​​​ទាំង​​​នោះ”។​​​​​​​​​

ផលិតករ​​​រូប​​​នេះ​​​ដំបូង​​​ឡើយមាន​​​ផែនការ​​​ផលិត​​​ភាពយន្តសាមញ្ញ​​​អំពី​​​ជីវិត​​​លោក ហាំង ង៉ោ ពោលគឺ​​​ពេល​​​លោក​​​ធ្វើ​​​ជា​​​វេជ្ជ​​​បណ្ឌិត​​​​​​ក្នុង​​​ទសវត្សរ៍​​​ឆ្នាំ​​​១៩៦០ ការ​​​រស់​​​រាន​​​មាន​​​ជីវិត​​​​​​​​​ពី​​​របប​​​ព៉ុល ពត​​​ ការ​​​សាង​​​​​​បាន​​​កេរ្តិ៍ឈ្មោះ​​​​​​នៅ​​​ក្នុង​​​រឿង”វាល​​​ពិឃាដ” និង​​​ការ​​​ធ្វើ​​​ជាសកម្មជន។​​​ ប៉ុន្តែ​​​ពេល​​​បញ្ចប់​​​ឈុត​​​​​​”ការ​​​រស់​​​រាន​​​មាន​​​ជីវិត​​​​​​​​​ពី​​​វាលពិឃាដ” ផលិតករ​​​រូប​​​នេះ​​​ក៏​​​បាន​​​សម្រេច​​​ចិត្ត​​​ដោះ​​​ស្រាយ​​​កត្តា​​​នយោ​​​បាយ​​​ដែល​​​នាំ​​​ឲ្យ​​​មាន​​​ការ​​​ឡើង​​​កាន់​​​អំណាច​​​របស់​​​ខ្មែរ​​​ក្រហម​​​​​​ដែរ។​​​​​​​​​​​​​​​​​​

លោក ដុង ​​​បាន​​​និយាយ​​​ថា “ខ្ញុំ​​​គិត​​​ថា ខ្ញុំជា​​​តួ​​​យ៉ាង​​​នៃ​​​អាមេរិកាំង​​​ភាគ​​​ច្រើន​​​…នៅ​​​ក្នុង​​​រឿង​​​នោះ​​​ ​​​​​​យើង​​​​​​​​​​​​ដឹង​​​អំពី​​​អ្វី​​​ដែល​​​បាន​​​កើត​​​ឡើង​​​ក្នុង​​​ពេល​​​សង្គ្រាម​​​ ដែល​​​យើង​​​រៀន​​​ពី​​​’វាល​​​ពិឃាដ’។ ហើយ​​​រឿង​​​នោះ​​​បាន​​​ប្រាប់សាច់​​​​​​​​​រឿង​​​​​​មួយ​​​ និង​​​ទស្សនមួយ ហើយ​​​វា​​​ជា​​​រឿង​​​នាដកម្ម”។​​​​​​

ផលិតករ​​​រូប​​​នេះបាន​​​និយាយ​​​​​​ដោយ​​​រាប់បញ្ចូល​​​ការ​​​លុក​​​លុយ​​​សហរដ្ឋ​​​អា​​​មេរិក​​​ទៅ​​​ក្នុង​​​កម្ពុជា​​​ក្នុង​​​ពេល​​​សង្គ្រាម​​​ឥណ្ឌូចិន​​​ទី​​​ពីរ និង​​​ការ​​​អំពាវនាវ​​​របស់​​​សម្តេច​​​ព្រះ​​​នរោត្តម សីហនុ​​​ ឲ្យ​​​កសិករ​​​ចូល​​​រួម​​​កម្លាំង​​​កុម្មុយនិស្ត​​​ថា “អ្វី​​​ដែលវា​​​​​​មិន​​​បាន​​​ចូល​​​ទ​​​ៅ​​​ដល់ ដែល​​​វេជ្ជបណ្ឌិត ​​​ង៉ោ​​​ បាន​​​សរសេរ​​​ក្នុង​​​សៀវ​​​ភៅ គឺ​​​នយោបាយ​​​សាកល​​​ស្មុគ្រ​​​ស្មាញ​​​​​​និង​​​ការ​​​ប្រើ​​​កល​​​ល្បិច​​​និង​​​អំណាច​​​​​​​​​”។​​​​​​

បន្ទាប់​​​ពី​​​ទទួល​​​បាន​​​ការ​​​យល់ព្រម​​​ពី​​​ក្រុមគ្រួសារ​​​លោក ហាំង ង៉ោ លោក​​​ដុង​​​ បាន​​​ធ្វើដំណើរ​​​តាម​​​យន្ត​​​ហោះ​​​មក​​​កាន់​​​ក្រុង​​​ភ្នំពេញ ហើយ​​​ចាប់​​​ផ្តើមស្រាវ​​​ជ្រាវ​​​យ៉ាង​​​ហ្មត់​​​ចត់​​​ក្នុង​​​មជ្ឈមណ្ឌល​​​បណ្ណសារបុប្ផាណា​​​ ដើម្បី​​​ស្វែង​​​រក​​​រូបឯកសារ​​​​​​គាត់​​​។ អ្នកស្រី សុភីយ៉ា ង៉ោ ដែល​​​បាន​​​យក​​​មក​​​ចិញ្ចិម​​​ដោយ​​​ឪពុកមា​​​របស់​​​អ្នកស្រី​​​នៅ​​​ក្នុង​​​សហរដ្ឋអាមេរិក​​​ បន្ទាប់​​​ពី​​​ពួកគេ​​​បាន​​​ភៀស​​​ខ្លួន​​​ពី​​​ប្រទេស​​​​​​កម្ពុជ​​ា​​​ ហើយ​​​បាន​​​ចំណាយ​​​ពេល​​​២​​​ឆ្នាំ​​​​​​នៅ​​​ក្នុង​​​ជំរំ​​​ជន​​​ភៀស​​​ខ្លួន​​​ថៃ​​​ ក៏​​​បាន​​​ផ្តល់​​​សិទ្ធិ​​​ដល់​​​ផលិតករ​​​រូប​​​នេះទទួលបាន​​​រូបភាពវីដេអូ ទស្សនាវដ្តី​​​ និង​​​លិខិតទាំង​​​ឡាយ​​​ដែល​​​ប្រមូល​​​ទុក​​​ដោយ​​​ឪពុកមា​​​របស់​​​នាង រួម​​​ជាមួយ​​​របស់របរ​​​ផ្ទាល់​​​ខ្លួន​​​ រួម​​​មាន​​​វែនតា​​​និង​​​សម្ភារ​​​ដេរ​​​របស់​​​គាត់ផងដែរ​​​។

អ្នក​​​ស្រី ង៉ោ​​​ បាន​​​និយាយ​​​ពី​​​ញូវយ៉ក​​​ថា “បន្ទាប់​​​ពី​​​ឪពុក​​​មា​​​ខ្ញុំ​​​ត្រូវ​​​គេ​​​សម្លាប់​​​ យើង​​​បាន​​​វេចខ្ចប់​​​អីវ៉ែ​​​អី​​​វ៉ាន់​​​ ហើយ​​​ដាក់​​​អ្វី​​​គ្រប់​​​យ៉ាង​​​ទៅ​​​ក្នុង​​​កេស គឺ​​​របស់​​​របរ​​​គាត់​​​ទាំង​​​អស់ ហើយ​​​យើង​​​បញ្ជូន​​​របស់​​​របរ​​​ទាំង​​​អស់​​​ទៅ​​​ញូវ​​​យ៉ក​​​ ហើយ​​​ខ្ញុំ​​​បាន​​​បិទ​​​ស្លាក​​​លើ​​​របស់​​​របរ​​​គ្រប់​​​យ៉ាង​​​ និង​​​សង្ឃឹម​​​​​​ថាថ្ងៃ​​​ណា​​​មួយ​​​ របស់របរនឹង​​​​​​ក្លាយ​​​ជា​​​ឯកសារ​​​ភាពយន្ត”។​​​​​​​​​​​​​​​​​​​​​

រូបគំនូរ​​​របស់​​​លោក ហាំង ង៉ោ​​​ ដោយ​​​ផ្អែក​​​តាម​​​រូបថត​​​ឆ្នាំ​​​១៩៧៥។ ​រូបថតៈ ​YORI MOCHIZUCHI
រូបគំនូរ​​​របស់​​​លោក ហាំង ង៉ោ​​​ ដោយ​​​ផ្អែក​​​តាម​​​រូបថត​​​ឆ្នាំ​​​១៩៧៥។ ​រូបថតៈ ​YORI MOCHIZUCHI

លោក ដុង​​​ បញ្ចប់​​​ឈុត​​​”វាល​​​ពិឃាដ​​​នៃ​​​ហាំង ង៉ោ”​​​ក្នុង​​​ខែ​​​មេសា។​​​ ឯក​​​សារ​​​ភាព​​​យន្ត​​​​​​បែបពិព៌ណនា​​​រួមបញ្ចូល​​​រូបភាព​​​ប័ណ្ណសារ​​​ គំនូរ​​​ជីវចល​​​ និង​​​បទ​​​សម្ភាស​​​ដែល​​​ផលិតករ​​​ភាព​​​យន្ត​​​រូប​​​នេះ​​​បាន​​​ធ្វើឡើង​​​​​​ជាមួយ​​​ក្រុម​​​គ្រួសារ មិត្តភក្តិ និង​​​អតីត​​​សហសេវិក។​​​​​​

ខ្សែ​​​ភាព​​​យន្ត​​​ត្រូវ​​​បាន​​​រៀប​​​រាប់​​​ភាគ​​​ច្រើន​​​ដោយ​​​ក្មួយ​​​ប្រុស​​​លោក ហាំង​​​ ង៉ោ​​​ គឺ​​​លោក វ៉េន ង៉ោ ជា​​​មន្ត្រី​​​ប៉ូលិស​​​ក្រុង​​​ញូវ​​​យ៉ក។​​​​​​

លោក ដុង បាន​​​និយាយថា “គាត់​​​មិន​​​មែន​​​ជា​​​តួ​​​សម្តែង​​​ទេ ដូច្នេះ​​​វាជា​​​ការ​​​អាន​​​គួរ​​​ឲ្យ​​​ចាប់​​​អារម្មណ៍។ ខ្ញុំ​​​បាន​​​ចំណាយ​​​ពេល​​​មួយ​​​រសៀល​​​ជាមួយ​​​គាត់​​​នៅ​​​ក្នុង​​​ស្ទូឌីយ៉ូ​​​ថតសំឡេង​​​នៅ​​​ក្នុង​​​ញូវយ៉ក ហើយ​​​ខ្ញុំ​​​ពិត​​​ជា​​​មិន​​​ជឿ​​​ទេ រហូត​​​ទាល់​​​​​​​​​តែ​​​ដល់​​​​​​នាទី​​​ចុង​​​ក្រោយ​​​ ទើប​​​​​​ជា​​​ទិស​​​ដៅ​​​ដែល​​​​​​ខ្ញុំ​​​ធ្វើ​​​ដំណើរ​​​ទៅ។​​​

លោក ដុង​​​ បន្ត​​​ថា “ប៉ុន្តែគួរឲ្យ​​​រំភើប មាន​​​​​​ឥទ្ធិពល​​​​​​ដែល​​​​​​មិន​​​អាច​​​ផ្លាស់​​​ប្តូរ​​​បាន មាន​​​ការ​​​ជាប់​​​សាច់ញាតិ​​​គួរ​​​ឲ្យ​​​រំភើប​​​​​​ដែល​​​លោក​​​អ្នក​​​ដឹង​​​ថា សំឡេង​​​នេះ​​​ជា​​​សំឡេង​​​​​​ក្មួយ​​​ប្រុស​​​​​​របស់​​​លោក​​​វេជ្ជ​​​បណ្ឌិត ង៉ោ​ ហើយ​​​មិន​​​ថា​​​តើ​​​តួ​​​សម្តែង​​​អាច​​​អាន​​​បទ​​​ពិ​​​ពណ៌នាប្រកប​​​ដោយ​​​វោហារ​​​កោសល្យ​​​​​​និង​​​គួរ​​​ឲ្យ​​​រំភើប​​​ប៉ុន្មាន​​​នោះ​​​ទេ លោក​​​អ្នក​​​នឹង​​​មិន​​​ដែល​​​មានការ​​​ជាប់​​​សាច់ញាតិ​​​បែប​​​ហ្នឹង​​​ទេ​​​។ មួយសន្ទុះ​​​ក្រោយ​​​មក​​​ វេជ្ជ​​​បណ្ឌិត​​​ ង៉ោ​​​និង​​​ការ​​​រៀប​​​រាប់​​​របស់​​​វ៉េ​​​នលាយ​​​ឡំ​​​ចូល​​​គ្នា”។​​​​​​​​​​​​​​​​​​​​

ទោះ​​​បី​​​ជា​​​សេច​​​ក្តី​​​ថ្លែង​​​ការណ៍គួរ​​​ឲ្យ​​​ចាប់​​​អារម្មណ៍​​​របស់​​​ឌុច​​​​​​ទាក់​​​ទង​​​នឹង​​​ឃាតកម្ម បាន​​​ជំរុញ​​​​​​​​​សេចក្តី​​​ប្រាថ្នា​​​​​​លោក​​​ ដុង​​​​​​ ឲ្យ​​​ផលិត​​​ជា​​​ខ្សែ​​​ភាព​​​យន្ត​​​ក៏​​​ដោយ ក៏​​​ផលិតករ​​​ខ្សែ​​​ភាព​​​យន្ត​​​រូប​​​នេះមិន​​​បានបញ្ចប់​​​ការរកឃើញ​​​ភ័ស្តុតាង​​​ថ្មីៗ​​​ស្តី​​​ពី​​​សាច់​​​រឿង​​​ពិតនៅ​​​ពី​​​ក្រោយ​​​មរណភាព​​​របស់​​​លោក ហាំង ង៉ោដែរ ហើយ​​​លោក​​​​​​សប្បាយ​​​ចិត្ត​​​នឹង​​​​​​ថត​​​ជា​​​ឯកសារ​​​នូវ​​​ការ​​​អះ​​​អាង​​​ខុសៗ​​​គ្នា។​​​​​​​​​​​​​​​​​​

ផ្នែក​​​ចុង​​​ក្រោយ​​​នៃ​​​​​​ឯកសារ​​​​​​ពិណ៌នាអំពី​​​​​​​​​បងធំ​​​ទី​​​២​​​របស់​​​ប៉ុល ពត​​​ គឺ​​​នួន ជា​​​ និង​​​ប្រមុខរដ្ឋ​​​ខ្មែរ​​​ក្រហម​​​ ខៀវ សំផន​​​ ពោលគឺ​​​មេដឹក​​​នាំ​​​​​​ដែល​​​ត្រូវ​​​បាន​​​កាត់​​​ឲ្យ​​​ជាប់​​​ទោស​​​ពី​​​បទ​​​​​​ធ្វើ​​​ឲ្យ​​​ស្លាប់​​​មនុស្ស​​​ប្រមាណ​​​​​​១,៧​​​លាន​​​នាក់​​​ ក្នុង​​​អំឡុង​​​ពេល​​​សម័យ​​​ខ្មែរ​​​ក្រហម​​​ ដែល​​​អ្នក​​​ទាំង​​​ពីរ​​​​​​ត្រូវ​​​បាន​​​កាត់​​​ឲ្យ​​​ជាប់​​​​​​ពន្ធនាគារ​​​​​​អស់​​​មួយ​​​ជីវិត​​​ពី​​​បទ​​​ឧក្រិដ្ឋ​​​កម្ម​​​ប្រឆាំង​​​មនុស្ស​​​ជាតិ​​​។​​​​​​​​​

ផលិតករ​​​ខ្សែ​​​ភាព​​​យន្ត​​​រូប​​​នេះ បាន​​​និយាយ​​​ថា “ខ្ញុំ​​​បញ្ចប់​​​រឿង​​​នេះ​​​ដោយ​​​មាន​​​សំណួរ​​​ធំ​​​មួយ គឺ​​​សរុប​​​សេចក្តី​​​នៃ​​​វេជ្ជបណ្ឌិត​​​ ហាំង ង៉ោ​​​ ថា​​​មាន​​​អ្វី​​​​​​កំពុង​​​កើត​​​ឡើង​​​ ហើយ​​​មាន​​​អ្វី​​​នៅតែ​​​កើត​​​ឡើង​​​ ថាតើ​​​​​​យើង​​​នៅ​​​តែ​​​កំពុងខំប្រឹង​​​ពុះ​​​ពារ ហើយ​​​យើង​​​នៅតែ​​​កំពុង​​​ព្យា​​​យាម​​​ស្វែង​​​រក​​​ការ​​​​​​ដាក់​​​កំហុស​​​ ប៉ុន្តែ​​​យើង​​​នៅ​​​តែ​​​ខំ​​​ពុះ​​​ពារ​​​ឲ្យ​​​អស់​​​សមត្ថភាព”។​​​​​​​​​​​​​​​

រឿង​​​វាល​​​ពិឃាដនៃ​​​ហាំង ង៉ោ ត្រូវ​​​បាន​​​ចាក់​​​បញ្ចាំង​​​នៅ​​​ឯ​​​​​​មហោស្រព​​​ភាពយន្ត​​​ឡូស អាន​​​ហ្ជេលឡិស អាស៊ី​​​ប៉ា​​​ស៊ី​​​ហ្វិក និង​​​នៅ​​​ឯ​​​មហោស្រព​​​ភាពយន្ត​​​អន្តរ​​​ជាតិ​​​ ស៊ី​​​អាតថល ហើយ​​​លោក ដុង ​​​សង្ឃឹម​​​ថានឹង​​​នាំ​​​យក​​​ភាព​​​យន្ត​​​នេះ​​​មក​​​កម្ពុជា​​​ ដើម្បី​​​ចាក់​​​បញ្ចាំង​​​ក្នុង​​​ក្រុង​​​ភ្នំ​​​ពេញ​​​ ក្រុង​​​បាត់​​​ដំបង និង​​​ក្រុង​​​សៀមរាប​​​ ក៏​​​ដូច​​​ជា​​​នៅ​​​ឯ​​​​​​ភូមិ​​​កំណើត​​​របស់​​​លោក ហាំង ង៉ោ​​​​​​ នៅ​​​ក្នុង​​​ខេត្ត​​​តាកែវ​​​ផង​​​ដែរ។​​​​

លោក ដុង បាន​​​មាន​​​ប្រសាសន៍​​​ថា “ខ្ញុំ​​​មិន​​​ចង់​​​ឲ្យ​​​ឃាតកម្ម​​​នេះ​​​ក្លាយ​​​ជា​​​អ្វី​​​ដែល​​​ប្រជាជន​​​បាន​​​ចង​​​ចាំទេ។ ខ្ញុំ​​​គិត​​​ថា ឃាតកម្ម​​​នេះ​​​ គឺ​​​ជា​​​ផ្នែក​​​នៃ​​​ឆាក​​​ជីវិត​​​របស់​​​គាត់​​​ ពោលគឺ​​​វា​​​ជា​​​ពេល​​​វេលាដ៏​​​សំខាន់​​​បំផុត​​​នៃ​​​ឆាក​​​ជីវិត​​​គាត់​​​ លោក​​​អ្នក​​​មិន​​​អាច​​​ព្រងើយ​​​កន្តើយ​​​បានទេ ប៉ុន្តែ​​​ខ្ញុំ​​​ចង់​​​ចាត់​​​ទុក​​​រឿង​​​នេះ​​​ជា​​​ចំណុច​​​សំខាន់​​​ក្នុង​​​ឆាក​​​ជីវិត​​​គាត់។ ឃាតកម្ម​​​​​​មិន​​​បញ្ចប់​​​កេរដំណែល​​​គាត់​​​ទេ តាម​​​ពិត​​​ទៅ រឿង​​​នេះ​​​ជំរុញឲ្យ​​​រឿង​​​នេះកើត​​​ឡើង ហើយ​​​វា​​​ធ្វើ​​​ឲ្យ​​​រឿង​​​នេះ​​​បន្ត​​​កើត​​​ឡើង”៕ រើន​​​​​​​​​​​​

ឈុតគំនូរ​​​ជីវចលពី​​​រឿង​​​វាលពិឃាដ​​​នៃ​​​ហាំង ង៉ោ។​​​ រូបថតៈ ​YORI MOCHIZUCHI
ឈុតគំនូរ​​​ជីវចលពី​​​រឿង​​​វាលពិឃាដ​​​នៃ​​​ ហាំង ង៉ោ។​​​ រូបថតៈ ​YORI MOCHIZUCHI

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស