រដ្ឋលេខាធិការដ្ឋានកិច្ចការព្រំដែនថាកោះអាចម៍សេះជារបស់កម្ពុជា ហើយខ្លួននឹងធ្វើកិច្ចការបន្តជាមួយក្រុមហ៊ុន Google

ស្ថាប័នកិច្ចការព្រំដែនរបស់កម្ពុជា អះអាងថា កោះអាចម៍សេះដែលមានទីតាំងស្ថិតនៅក្នុងសង្កាត់កែប ក្រុងកែប ខេត្តកែប ជារបស់ខ្មែរ ហើយខ្លួននឹងធ្វើកិច្ចការបន្តជាមួយក្រុមហ៊ុន Google ចំពោះករណីនេះ។

រដ្ឋលេខាធិការដ្ឋានកិច្ចការព្រំដែនរបស់កម្ពុជា នៅរសៀលថ្ងៃទី២៦ ខែកុម្ភៈ នេះ បានចេញសេចក្តីបំភ្លឺព័ត៌មានពាក់ព័ន្ធការផ្សព្វផ្សាយព័ត៌មានលើបណ្ដាញទំនាក់ទំនងសង្គមហ្វេសប៊ុក (Facebook) គណនីឈ្មោះ «អ៊ុក សីលា/Seila» ដែលបានសរសេរ និងបង្ហោះខ្លឹមសារថា «កោះអាចម៍សេះរបស់ខ្មែរ ហេតុអ្វីបានជា Google ដាក់ថាកោះរបស់វៀតណាម ទៅវិញ?»។ ការសរសេរនេះក៏មានការភ្ជាប់រូបភាពថតចេញពី Google Map និងរូបថតប៉ុស្តិ៍កោះអាចម៍សេះ។

ទោះជាយ៉ាងណាក៏ដោយ រដ្ឋលេខាធិការដ្ឋានកិច្ចការព្រំដែន អះអាងថា កោះអាចម៍សេះ គឺជាកោះមួយដែលមានទីតាំងស្ថិតនៅក្នុងសង្កាត់កែប ក្រុងកែប ខេត្តកែប នៃព្រះរាជាណាចក្រកម្ពុជា ដោយមានទីស្នាក់ការប៉ុស្តិ៍នគរបាលការពារព្រំដែនទឹក «ប៉ុស្តិ៍កោះអាចម៍សេះ» ឈរជើងយាមនៅទីនោះ និងមានភ្ញៀវទេសចរចេញចូលទស្សនាកម្សាន្តជាប្រចាំ។

សេចក្តីបំភ្លឺខាងលើអះអាងថា ផែនទី Google Map មិនមែនជាផែនទីផ្លូវការដែលកំណត់ខ្សែបន្ទាត់ព្រំដែនរវាងរដ្ឋ និងរដ្ឋឡើយ ហើយផែនទីនេះបង្កើតឡើងសម្រាប់តែគោលដៅពាណិជ្ជកម្មរបស់ខ្លួនតែប៉ុណ្ណោះ។ រដ្ឋលេខាធិការដ្ឋានកិច្ចការព្រំដែន នឹងធ្វើកិច្ចការបន្តជាមួយក្រុមហ៊ុន Google ចំពោះករណីនេះ។

កោះអាចម៍សេះ ជាកោះដែលមានទំហំមធ្យមមួយក្នុងចំណោមកោះជាច្រើនទៀតរបស់ខេត្តកែប ដែលស្ថិតក្រោមការអភិរក្សធនធានសមុទ្រដោយអង្គការ Marine Conservation Cambodia។ កោះនេះស្ថិតក្នុងភូមិកែប សង្កាត់កែប ក្រុងកែប ខេត្តកែប ដែលស្ថិតនៅក្បែរនឹងព្រំដែនសមុទ្រកម្ពុជា-វៀតណាម។ កោះនេះមានចម្ងាយឆ្ងាយជាងគេក្នុងចំណោមកោះទាំង ១៣ នៅក្នុងខេត្តកែប។ កោះនេះមិនមានពលរដ្ឋស្នាក់នៅលើកោះនេះទេ គឺមានតែទីស្នាក់ការរបស់អង្គការ Marine Conservation Cambodia និងទីស្នាក់ការទាហានជើងទឹកតែប៉ុណ្ណោះ។

ក្នុងខេត្តកែប មានកោះសរុបចំនួន ១៣ មានដូចជា៖

កោះទន្សាយ,
កោះត្បាល់,
កោះស្វាយ,
កោះពោធិ៍,
កោះម៉ាក់ប្រាង,
កោះអាចម៍សេះ,
កោះអង្ក្រង់,
កោះស្វាយព្រៃ,
កោះហាលត្រី,
កោះការ៉ាង,
កោះកុក,
កោះម្ទេស
និងកោះស្ងួត (ថ្មប៉ប្រះទឹក)។

នៅក្នុងទឹកដីខេត្តកែប ត្រូវបានរដ្ឋាភិបាលកំណត់គោលដៅជា “តំបន់ទេសចរណ៍សម្រាកលំហែកម្រិតខ្ពស់” ដែលមានការអភិវឌ្ឍទីក្រុង ឆ្នេរខ្សាច់ កោះ ផ្សារ កំពង់ផែទេសចរណ៍ ភូមិដ្ឋានប្រជាពលរដ្ឋ មូលដ្ឋានអាជីវកម្មសេវាកម្មទេសចរណ៍ ហើយនឹងមិនមានការបង្កើតកាស៊ីណូ និងរោងចក្រសហគ្រាសនៅទីនោះឡើយ៕

បទវិភាគ

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

បទវិភាគ៖ បក្សប្រឆាំងនៅថៃឡើងកាន់អំណាច បានទាញឱ្យមានការផ្សះផ្សាជាតិទូលំទូលាយ

បទវិភាគ៖ ហ្វីលីពីនលេងហ្គេមជាមួយចិនដើម្បីអូសចិនទៅកាន់តុលាការអន្តរជាតិសាជាថ្មីទៀតករណីជម្លោះដែនសមុទ្រ

បទវិភាគ៖ ពិភពលោកទំនងមិនអាចជួយបញ្ចប់ភ្លើងកំហឹងរបស់អ៊ីស្រាអែលបានទេ

អត្ថបទវិភាគ៖ ដំណោះស្រាយនយោបាយតឹងតែង

បទវិភាគ៖ បក្សកាន់អំណាចបង្កើតបន្ទប់ឃ្លាំមើលអ្នកប្រើប្រាស់អ៊ីនធឺណិត១០ឆ្នាំមកហើយ

បទវិភាគ៖ បើបក្សប្រឆាំងនៅថៃឈ្នះឆ្នោត តើពលរដ្ឋកម្ពុជាគួរបង្ហាញឆន្ទៈបោះឆ្នោតដូចម្តេចនៅខែកក្កដា?

បទវិភាគ៖ អ្វីនៅពីក្រោយមេដឹកនាំចិនសម្រេចលើកទូរសព្ទនិយាយទៅរកលោក ហ្សេឡេនស្គី?

អត្ថបទទាក់ទង

រណសិរ្សបីនាក់បងប្អូន កម្ពុជា លាវ យៀកណាម បន្តពង្រឹងសាមគ្គីភាពជួយគ្នាទៅវិញទៅមក

លោក អ៊ុំ សំអាន ជំរុញឱ្យរដ្ឋាភិបាលលោក ហ៊ុន ម៉ាណែត ប្ដឹងទាមទារកោះគុតមកវិញ

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

ថ្ងៃទី១៧មេសាឆ្នាំនេះ លោក ហ៊ុន សែន ត្រូវគេចាត់ទុកថាកំពុងបើកសករាជជ្រែករាជ្យដូចសេ្តចកន

ភាគ២៖ ម្ចាស់ភាគហ៊ុនរងគ្រោះក្នុងក្រុមហ៊ុន CIC Partner ទាមទារស៊ើបអង្កេតករណីបាត់លុយរាប់សិបលានដុល្លារ

ក្រុមហ៊ុន CIC Partner បាត់លុយ តើបាត់ទៅឯណា អ្នកណាទទួលខុសត្រូវ?

អ៊ុយក្រែន និង ICC សហការប្រមូលភស្តុតាងនាំខ្លួនលោក ពូទីន និងបក្ខពួកយកទៅកាត់ទោសករណីសម្លាប់រង្គាលនៅអ៊ុយក្រែន

សូមមេត្តាជួយគាំទ្រសារព័ត៌មានឯករាជ្យនៅកម្ពុជា។