ឯកអគ្គរដ្ឋទូតចិនបញ្ជាក់ជាថ្មីចំពោះមុខរដ្ឋមន្ត្រីការបរទេសថៃ ដោយច្រានចោលរបាយការណ៍ដែលចោទចិនដឹកអាវុធឱ្យកម្ពុជាធ្វើសង្គ្រាមជាមួយថៃ

ឯកអគ្គរដ្ឋទូតចិនប្រចាំប្រទេសថៃ លោក ចាង ជីយៀនវេយ (Zhang Jianwei) បានថ្លែងជាថ្មីម្តងទៀតនៅក្នុងឱកាសខួបលើកទី៥០ នៃការបង្កើតទំនាក់ទំនងការទូតរវាងប្រទេសថៃ និងចិន ថា ចិនច្រានចោលរបាយការណ៍ស៊ើបការណ៍សម្ងាត់របស់ថៃ ដែលថានៅប៉ុន្មានសប្តាហ៍មុនផ្ទុះការវាយប្រហាររវាងកងទ័ពថៃ និងកងទ័ពកម្ពុជា យន្តហោះយោធាចិន បានដឹកជញ្ជូនគ្រឿងសព្វាវុធយ៉ាងច្រើនចុះចតនៅក្នុងខេត្តព្រះសីហនុ។

ឯកអគ្គរដ្ឋទូតចិនប្រចាំប្រទេសថៃ លោក ចាង ជីយៀនវេយ (Zhang Jianwei) និងរដ្ឋមន្ត្រីក្រសួងការបរទេសថៃ លោក ស៊ីហាសក្តិ ភួងកេតកែវ (Sihasak Phuangketkeow) ក្នុងជំនួបនៅថ្ងៃទី៨ ខែតុលា ឆ្នាំ២០២៥។

ឯកអគ្គរដ្ឋទូតចិនប្រចាំប្រទេសថៃ លោក ចាង ជីយៀនវេយ (Zhang Jianwei) បានជួបរដ្ឋមន្ត្រីក្រសួងការបរទេសថៃ លោក ស៊ីហាសក្តិ ភួងកេតកែវ (Sihasak Phuangketkeow) ដោយភាគីទាំងពីរបានជជែកគ្នាអំពីរបាយការណ៍ដែលចោទថា ចិនបានផ្តល់អាវុធយោធាឱ្យកម្ពុជា ដើម្បីប្រើប្រាស់ក្នុងជម្លោះព្រំដែនជាមួយថៃ។ ចិនច្រានចោលរបាយការណ៍ចោទប្រកាន់នេះ ដោយបញ្ជាក់ថា សព្វាវុធទាំងឡាយរបស់ចិន ដែលកម្ពុជា កាន់កាប់ គឺជាផ្នែកមួយនៃកិច្ចសហប្រតិបត្តិការយោធាកម្ពុជា-ចិន ដែលមានស្រាប់ មិនមែនជាសព្វាវុធដឹកជញ្ជូនថ្មីក្នុងគោលដៅប្រឆាំងថៃ នោះទេ។

លោក ចាង ជីយៀនវេយ អះអាងថា ចិននៅបន្តប្រឹងប្រែងចូលរួមរក្សាអព្យាក្រឹតភាព និងយុត្តិធម៌ក្នុងស្ថានភាពនៃជម្លោះព្រំដែនកម្ពុជា-ថៃ។

លោកថា រដ្ឋមន្ត្រីការបរទេសចិន លោក វ៉ាង យី បានព្យាយាមរកឱកាសទៅនិយាយជាមួយប្រមុខការទូតថៃ និងកម្ពុជា ខណៈមានអនុរដ្ឋមន្ត្រីការបរទេសចិន ជាអ្នកគាំទ្រ និងសម្របសម្រួលការចរចារវាងភាគីជម្លោះទាំងពីរ។

កាសែត The New York Times កាលពីថ្ងៃទី២៩ ខែកញ្ញា ឆ្នាំ២០២៥ បានចុះផ្សាយដោយយោងតាមរបាយការណ៍ស៊ើបអង្កេតសម្ងាត់របស់ថៃ ថា នៅប៉ុន្មានសប្តាហ៍មុនហេតុការណ៍ផ្ទុះអាវុធដាក់គ្នារវាងកងទ័ពកម្ពុជា និងកងទ័ពថៃ យន្តហោះយោធាចិន បានដឹកជញ្ជូនគ្រឿងសព្វាវុធយ៉ាងច្រើន និងបានចុះចតយ៉ាងស្ងៀមស្ងាត់នៅកំពង់ផែរាម ដែលស្ថិតក្នុងមូលដ្ឋានកងទ័ពជើងទឹកនៅខេត្តព្រះសីហនុ របស់កម្ពុជា។

កាសែត The New York Times ដដែលអះអាងថា សព្វាវុធទាំងនោះត្រូវបានរក្សាទុកនៅមូលដ្ឋានទ័ពជើងទឹករាម ហើយក្រោយមកបានដឹកជញ្ជូនតាមភាគខាងជើងឆ្ពោះទៅកាន់ព្រំដែនកម្ពុជា-ថៃ ដែលជាទីតាំងមានជម្លោះ។

កាសែតថៃ បាងកកប៉ុស្តិ៍ ដែលចុះផ្សាយថ្ងៃទី៨ ខែតុលា នេះថា ចិនបានច្រានចោលរបាយការណ៍ចោទប្រកាន់នេះ ដោយបញ្ជាក់ថា សព្វាវុធទាំងឡាយរបស់ចិន ដែលកម្ពុជា កាន់កាប់ គឺជាផ្នែកមួយនៃកិច្ចសហប្រតិបត្តិការយោធាកម្ពុជា-ចិន ដែលមានស្រាប់។

សារព័ត៌មាន ឌឹ ខេមបូឌា ដេលី មិនអាចទាក់ទងមន្ត្រីរដ្ឋាភិបាលកម្ពុជា ដើម្បីធ្វើការអត្ថាធិប្បាយបានទេចំពោះសំណុំរឿងនេះ រហូតដល់ម៉ោងចេញផ្សាយនេះ៕

បទវិភាគ

បទវិភាគ៖ ហេតុអ្វីបានជារុស្ស៊ី ខ្លាចមីស៊ីល Tomahawk អាមេរិក? ធ្វើដូចម្ដេចអ៊ុយក្រែន បានអាវុធនេះពីលោក ត្រាំ?

បទវិភាគ៖ ពីឧក្រិដ្ឋជនសង្គ្រាមក្លាយជាភ្ញៀវរបស់អាមេរិក លោក ត្រាំ ទាញលោក ពូទីន ចេញពីភាពឯកា

បទវិភាគព័ត៌មាន៖ មិនអាចប្ដូរមេដឹកនាំផ្ដាច់ការនៅបេឡារូស លើកលែងតែដូចប្រទេសបង់ក្លាដេស

បទវិភាគ៖ របបផ្ដាច់ការនៅប្រទេសស៊ីរី ដល់ពេលត្រូវបាត់បង់ហើយ

បទវិភាគ៖ ប្រទេសមួយក្រោមឥទ្ធិពលចិនខ្លាំង ហើយពីរទៀតក្រោមឥទ្ធិពលវៀតណាមផងចិនផង

បទវិភាគ៖ ផ្លែការ៉ុតនិងដំបងដាក់នៅចំពោះមុខកម្ពុជាក្នុងភូមិសាស្ត្រនយោបាយរវាងអាមេរិកនិងចិន

បទវិភាគ៖ តើប៉ាឡេស្ទីន អាចក្លាយជាសមាជិកពេញសិទ្ធិនៃអង្គការសហប្រជាជាតិបានដែរឬទេ?

បទវិភាគ៖ អាហ្វ្រិកខាងត្បូងអូសអ៊ីស្រាអែលឡើង ICC តែផ្ដល់ឱកាសឱ្យរុស្ស៊ីបន្តវិនាសកម្មនៅអ៊ុយក្រែន

អត្ថបទទាក់ទង

លោក ហ៊ុន សែន ឆ្ងល់ថាតើថៃកំពុងធ្វើអន្តរជាតូបនីយកម្មលើតំបន់សមុទ្រត្រួតស៊ីគ្នាជាមួយកម្ពុជាឬយ៉ាងណា?

ស្នូរអាវុធផ្ទុះនៅម្តុំច្រកអូរស្មាច់ ខណៈភាគីខ្មែរនាំប្រតិភូសង្កេតការណ៍អន្តរជាតិមើលព្រំដែន

រដ្ឋមន្ត្រីកម្ពុជា-ថៃ រឭកគ្នាអំពីការប្ដេជ្ញាចិត្តពិតប្រាកដនិងការគោរពច្បាប់អន្តរជាតិឱ្យបានពេញលេញ

រដ្ឋបាលខេត្តប៉ៃលិន ច្រានចោលព័ត៌មានដែលថាទាហានថៃ ឈ្លានពានចូលកាន់កាប់ទឹកដីរបស់ខ្លួន

អ្នកឃ្លាំមើលថាស្ដេចថៃបច្ចុប្បន្នកំពុងក្បត់ដូនតាខ្លួនឯង ដោយសារមិនទទួលស្គាល់សន្ធិសញ្ញាបារាំង-សៀម

អត្ថបទអានច្រើន

និស្សិតភូមា យករូបមេដឹកនាំកម្ពុជាលោក ហ៊ុន សែន ទៅជាន់ឈ្លីនិងដុតចោលតាមទីសាធារណៈ

លោក ហ៊ុន សែន គំរាមមិនឱ្យលោក ស ខេង ឈរជាបេក្ខភាពនាយករដ្ឋមន្ត្រីបន្ទាប់ពីលោកជាដាច់ខាត

អតិថិជនទិញអចលនទ្រព្យពីអ្នកឧកញ៉ា ឡេង ណាវ៉ាត្រា ទាមទារផ្ទះតាមកិច្ចសន្យា

អតិថិជនទិញផ្ទះល្វែងពីបុរីពិភពថ្មីកំបូលខកចិត្តនឹងគុណភាពសំណង់ផ្ទះល្វែង និងសេវាមួយចំនួនរបស់ក្រុមហ៊ុននេះ

លោក ជា សុផារ៉ា រងការចោទប្រកាន់ថាប្រព្រឹត្តអំពើពុករលួយក្នុងជួរបក្សកាន់អំណាចរបស់ខ្លួន

លោក សម រង្ស៊ី ប្រកាសរកការរួបរួមជាមួយបក្សកាន់អំណាចរបស់លោក ហ៊ុន សែន ដើម្បីជាតិខ្មែររុងរឿង

សេចក្ដីរាយការណ៍ពិសេស

លោក ចេន ហ្ស៊ី បាត់មុខពីកម្ពុជា ស្របពេលអាមេរិកលាតត្រដាងអំពើឆបោកនិងលាងលុយកខ្វក់ក្នុងប្រព័ន្ធគ្រីបតូ

តើព្រះសង្ឃ និងមេដឹកនាំខ្មែរ បានធ្វើអ្វីខ្លះដើម្បីជាប្រយោជន៍ដល់ព្រះពុទ្ធសាសនា និងសង្គមជាតិរបស់ខ្លួន?

តើកាកបាទក្រហមកម្ពុជាទទួលអំណោយសប្បុរសដោយកុសលកម្ម ឬអកុសលកម្មបថ?

លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយ

មេធាវី៖ ការចាប់ខ្លួនលោក ហេង សិទ្ធី ដោយសារដឹងអំពីផែនការបង្កើតបក្សនយោបាយប្រឆាំងត្រកូលហ៊ុន